Na potopoto uma aiga o le tausi ia Puna Lepua (Vaiala) aemaise o lana fanau e toavalu mo le faamanatuina o lona aso soifua lea na atoa i ai le 50 tausaga talu ona soifua mai i lenei lalolagi. O le Aso Toonai, aso 1 Mati lea na faataunuu ai lenei aso faailogaina i le aiga o le tina ia Puna, ma o si ona alii lava ia Tonuu Lofi Lepua, sa fai ma Taitai o le tausamaaga ma faafetai i le paia i le auvalaaulia faapea le aufaigaluega totofi a le Atua. E toavalu o la alo, 5 teine ae 3 tama sa faapolokalamaina le aso soifua o le tina faatasi ai ma le lagolagosua a aiganalua.
O le susuga ia Tuilagi Alema Masame sa fai ma sui o le auvalaulia e faafetai vaega uma o le aso. Sa tatalo amata le susuga i le Fesoasoani o le Epikopo, le susuga ia Vaoga Atina‘e Fafai, ae o le susuga i le Epikopo o Phillip sa laugaina se upu faafetai i le faletua ia Puna. Manuia tele lou iupeli auro Puna. Alofaaga mai si au tautoga ma le nofoaalo.
