E pei lava o vaaiga masani, ae lē gata i lea o a tatou tu ma agaifanua e faatino mo alo ma fanau i o latou aso faamanatuina.
O le Aso Toonai aso 22 o Setema na aofia potopoto ai le mamalu e pele ia Mardy, e pele foi i o latou finagalo lenei tamaitai, na lē gata i nai ona aiga, ae o ana uo, o ana paaga ma ē latou te masani, auā le faamanatuina o lona aso na soifua mai ai i lenei lalolagi, pau le mea na tulaga ese ai le aso fanau lenei, ona ua atoa i ai le 21 o tausaga o Mardy.
Na maitauina le felanulanuai ma le lalelei o le valaaulia, aemaise lava o uo ma paaga talavou a le tamaitai o Mardy, ona o le aso fiafia, sa fai faapitoa le autū mo laei ma teuga (costume party).
Na faatumuina le malu i siufofoga mālie o aiga, o ana uo ma Samoa na potopoto, i le usuina o le Happy Birthday, ma faasolo ai lava le po fiafia faapitoa, ua tuulima atu ai e nai ona mātua lo la faatuatuaga ia te ia mo lona soifua manuia, ae ia tumau pea lou usitai ma le teine lelei, aemaise o le ava ma mata‘u i le Atua e ala mai ai manuia. Manuia tele lou lumanai Mardy, tumau i le alofa, ma ia toe maua nisi aso soifua se tele. Alofaaga mai au uo ma paaga uma aemaise o lou aiga atoa.
