Faamanatu le 21 tausaga o Christian Anthony Pule

“O faamanuiaga o le aso fanau o le atalii peleina o Christian Anthony Pule. O moomooga o matou loto, ia sii atu le viiga ma le faamanū ma le faafetai i le Atua soifua, ona ua aulia mai e oe le atalii lou 21 tausaga.
O le tatalo ia alofa le Atua ma foai nisi tausaga se tele mo oe, auā le tatou mafutaga aemaise le ola ma le malosi, le tino ma le mafaufau, a o feagai ai oe ma galuega faapea totonu o le tatou aiga.”
“Ia maua e oe le atalii le loto alofa, le faamaoni, ia e faaaloalo i tagata matutua, o le upu a le Tusi Paia, ‘Ia e ava i ou mātua, e faalevaleva ai ou aso i lenei lalolagi tatou te iai.’ O alofaaga na mai i ou uncles ma aunties faapea ou cousins i Amerika, Hawaii, Amerika Samoa, Niu Sila ma Samoa. Ae afe ma afe alofaaga o ou mātua ia Ageli ma Foga Pule.”
O le Aso Toonai o le faaiuga o le vaiaso na faamanatuina ai le 21 tausaga o Christian Anthony Pule i se sauniga faapitoa ma se aiga fiafia valaaulia ai le toatele o aiga, uo faapea le Ekalesia a Christian, faia lea i le Fetu Pupula PIC i Papakura.
O aso faapenei e faaalia ai lava le valevale alofa o mātua i fanau, poo le ā lava le faigata o le soifuaga i lenei vaitau, e vaaia le laufofoga tausaafia ma le fia fai mea lelei o nai mātua mo le fanau.
O vaaiga foi na o le aso fanau o Christian, sa matagofie tapenaga, tele faafiafiaga matagofie a autalavou, o ausiva, o faafiafiaga mai tausoga o le alii fai aso fanau, ae faaiu mea uma i se taumafataga tele ma ta‘ape ai lava ma le aofia. Ia maua nisi tausaga se tele o lou soifua Christian. Happy 21st Birthday!