Na tulimatai alo ma fanau faapea aiga o le tina matua ia Manuu Iliafi Vaele e faamanatuina ai lona 83 tausaga lea e atoa i le aso 5 o Fepuari.
O le tina matua ia Manuu Iliafi Vaele, o se tasi foi o tina matua ua pulapulagato lona soifua ae molimau pea ana galuega i le aiga, ekalesia aemaise luga o alaleo i lana lagolago malosi.
O lona tamā o Tuilagi Pa‘o o Fatausi Safotulafai ma Matautu Falealili, a o lona tina o Faatolosisi o Tapueleele ma Samauga. Ua failagi le folauga a le tamā o le aiga ae o loo mafuta pea i lenei itu ma le toatele o le nofoaalo.
E toaono le nofoaalo ulu matua Piula Petersen, Faatolosisi Polelei, Susana Meleisea, Tuilagi Motutoa Vaele, Pasefika Setu ma Sinapati Fuialo, o loo aumau uma i Brisbane.
E viia le alofa ma le agalelei o le Atua ua mafai ona ia faaopoopo nei tausaga e tele i lou soifua Tina. Ia saga faamanuia pea le Atua ma tulu‘i pea lou malosi auā le tatou mafutaga.
O alofaaga elē uma mai lau fanau, fanau a au fanau, faapea ou aiga uma i Niu Sila, Ausetalia faapea Samoa.
