Faamanatu 70 tausaga o le tina ia Iuni Sio Andrew

Lou agaga e, ia faamanu atu ia Ieova o mea uma foi oi totonu ia te au ia faamanu atu i lona suafa paia. O nisi ia o upu sa saunoa i ai le susuga i le faafeagaiga ia Tilaulelei Kilifi, e fai ma upu tomua o le sauniga e faafetaia ai le alofa ma le agalelei o le Atua i le tina ia Iuni lea ua atoa le fitu sefulu o tausaga o lona soifua i le Aso Sa ua mavae. Na vaaia le maopoopo ma le toatele o le aiga, aemaise le fanau ma a latou fanau na auai ai uma i le faamanatuina o le aso soifua o le tina. Na mae‘a le sauniga sosoo ma le toonai, ae faaiu ai loa i faaaloaloga masani mo le auvalaaulia sa auai i lea Aso Sa.