Faafetai tele i le alofa o le Atua ona ua aulia ma le manuia mai e Telei‘ai Esera le 50 tausaga o lona soifua.
Sa muamua lava ona sii le viiga ma le faafetai i le Atua, lea sa taitaia e le susuga ia Salafai Mika.
Sa avea lava le susuga ia Fa‘ivale Faiao e faafeiloai foi le Paia ma le mamalu o le auvalaaulia.
Sa malaga mamao mai foi le uso ma le tuafafine mai Ausetalia ona o le fia molimauina o le aso o Telei‘ai. Sa faatumulia le Valentine i Manukau i le Aso Tofi, aso 10 o Mati i le paia ma le mamalu o le Ekalesia Metotisi i Otara, aemaise foi le aiga.
Na faaiuina mea uma ma le manuia i le faatasi mai o le Atua.
