O le aso tele faapitoa o le tamaitai lalelei o Olinda Alofa Tuipoloa Samu Tito na faia i le malumalu o le Ekalesia a Iesu Keriso o le Au Paia o Aso e Gata Ai, i Deer Park i le Aso Toonai, aso 4 o Aokuso.
O le susuga i le sui Epikopo ia Fiu Talosaga na taitaia le sauniga lotu, ae o le upu faalaeiau mai le Afioga a le Atua na fofogaina e le susuga a le Epikopo Larry Nonu.
Na sosoo le sauniga lotu ma le taumafataga na gaseseina e le Ohanalei Catering, ma faagasolo ai le aso i ona taualumaga masani e pei ona fai ai Ros Tito, le tuagane o Olinda ma fofoga autū.
O tuaa o Olinda o le susuga ia Tuipoloa Samu ma le faletua ia Lagi Tito. Na mae‘a le taumafataga ona feagai lea o le aiga ma faaaloaloga mo auauna o le talalelei, faapea foi le valaaulia. O le musika mālie o le aso faapitoa na faatautaia e le susuga ia Eteuati Leota Tito.
E vivii fai a‘e o matou loto ona o le tausiga alofa a le matai o i le lagi ia te oe le afafine pele. Ia aogā lou ola mo le Alii ma lana Ekalesia.
Alofaaga mai ou mātua ma lou aiga atoa, aemaise o lau Ekalesia. Happy Birthday Olinda!
