Faamanatu 21 tausaga o Bessie Pritchard

O le tamaitai o Bessie Pritchard, o se alo e faasino ia Lealaitagomoa Lealofi Lausei ma Lagi Pritchard mai Tiavea, Vaigaga & Falelatai, ma o le Aso Toonai na tea nei, aso 7 o Iulai na faamanatuina ai le 21 tausaga o le tamaitai o Bessie Pritchard.
Sa taitaia i se sauniga lotu e le susuga i le toeaina ia Peteru Faraimo o le Pulega AOG a Kuinislani.
O le Fofoga o le aso sa nafa ma le fetalaiga ia Tuiloma Puletiuatoa, ae o le fetalaiga ia Malagamaalii Lopeti Pritchard sa fai ma sui o aiga e molimolia se faafetai i le auvalaaulia.
O le fetalaiga ia Poualae Li‘o sa fai ma sui o le auvalaaulia e tali fuaitau ona o faaaloaloga, ma le taumafataga sa tapenaina e le tofa ia Poulava Sam ma Lona Matautia o le uncle Sam’s Takeaway.
Alofaaga ma faamanuiaga mo le atoaga o lou 21 Bessie mai ia Ps Peteru Faraimo ma le faletua faapea i le Pulega AOG Kuiniselani.         Alofaaga mai ou aunties ma uncles, cousins ma ou aiga uma i Samoa, Niu Sila ma Ausetalia, ae faasilisili alofaaga mai ou mātua ia Lealaitagomoa Lealofi Lausei ma Lagi Pritchard faapea ou uso ma tuagane.