Faalautele le auaunaga a le United B&T Financial

O le auaunaga a le afioga i le faletua ia Tofiga Tuigamala ua lauiloa i setete uma o Ausetalia atoa, i le igoa o le Reunited B&T Financial and Consultancy Services Ltd. E lē gata i lana tautua i tax, o supa (superannuation), o mataupu tau Immigration e aofia ai visa ma sitiseni Niu Sila ma Ausetalia faapea Samoa mo Ausetalia, ae maualuga foi lana fesoasoani mo mataupu tau le tulafono ma faamasinoga (legal matters).
E malosi foi lana tautua fesoasoani mo nonogatupe faapisinisi, nonogatupe mo taavale aemaise o ni nonogatupe mo soifua taitoatasi (personal loan) faapea ma nonogatupe mo fale o aiga ma malumalu mo ekalesia.
O nei vaega uma o lona soifua tautua mo Samoa, o loo tele ina malaga taamilo ai i Ausetalia atoa e fesoasoani mo o tatou tagata. Na saunoa Tofiga i se feiloaiga ma la tatou pepa, o lona taimi pisi lava lenei ona o le fesoasoani e faatumu tax a le mamalu ma le paia o Samoa mai lava i Perisipeni Kuiniselani, sosoo ai ma Sini, malaga ai i Perth ona toe foi mai lea i Melepone mo ni nai vaiaso, ona toe faataamilo ai foi lea i setete ma aai uma o le malo tele, ona o le fia tautua lava mo ona tagata.
Ae ui lava i le pisi tele o lana auaunaga lenei, ae o lea ua toe faaopoopo foi ma le isi ana tautua mo Samoa i le aai o Melepone lea ua faamautu ai nei, e ala i le tatalaina o le faleoloa lea ua faaigoaina o le B&T Island Style Shop i le pitonuu o Hampton Park.
O lenei tautua o loo faatauina ai laei Samoa mo alii ma tamaitai, o puletasi, o muumuu, o iefaitaga ma ofutino aloha ma le tele lava o laei mai Hawaii ma Samoa.
E faatauina ai foi ata tifaga mai Samoa (DVD) faapea CD pese fou uma lava o loo faatauina i Niu Sila ma Samoa.
E maua ai foi tautaliga mo tamaitai ma sei, faguu Samoa ma magesia mo tamaiti, ma le tele lava o oloa eseese auā le paia ma le mamalu o le atunuu.                 O le faleoloa lava lea o loo iai ma lona ofisa mo soo se fesoasoani e moomia, o le tuatusi o le 1/90 Sommerville Rd, Hamton Park. O le faletua ia Tofiga e mai afioaga o Fasitoo-Uta ma Vailuutai.