Faalauiloa CD Volume One – Pesamino Mateialona

Ou te faatalofa atu Samoa lo‘u atunuu, ae o le a ou lē toe oo i ou sa ma faiga, ae avea ia lenei avanoa e momoli atu ai se faafetai tele i le paia ma le mamalu o tamalii, failauga faletua ma tausi ae lē gata i lea o nai o‘u aiga, uo ma le mamalu lautele o Samoa sa auai atu auā le lagolagoina o le faamoemoe e pei ona sa tatala aloaia ai lau CD pese i le falefaafiafia o Tamalii ma Tausala (Fiafia Night Club) i New Lynn i le aso 4 Oketopa 2013.
E leai se taui o ia te au ae o le Atua na te faamanuia e tusa ai ma lou lima foai. O la‘u faafetai faapitoa i le susuga ia Pauli ma le faili matagofie siufofoga mālie sa faapea ona faamalieina ai le auvalaaulia.
Momoli foi le faafetai i le Fofoga o le po le tofa a Olaaiga Toma ua sao ma uli mea uma. O si o‘u uso o Norm Nauma Meafou sa special artist, sa faafiafiaina lava le mamalu i lea po i lona siufofoga mālie.
Special thanks to my friend Fred Mitchel of     Old Fella Studio for help in producing, mixing, mastering and cover design of this album.
O se tala i lo‘u olaga pese: O a‘u na ou iloa ta le kitara o o‘u laititi. Sa ou aoga i le kolisi o Samoa (Samoa College) tausaga 1982-83, na ou maua le avanoa e faaauau ai a‘u aoga i Niu Sila i le aoga Melville High School i Hamilton.
O le tausaga e 1984 sa ou faavaeina ai se faili muamua (first stage band) ma nisi o tamaiti aoga, sa ou taina le kitara (fillin lead guitar), sa ou back vocal i lea taimi.
O le tausaga e 1988 na fai ai la‘u first recording i California U.S.A. peitai e lei mae‘a ona o nisi o faafitauli. O le tausaga e 1992 na ma faavaea ai ma lo‘u uncle o Moemanatunatu Pesa le group e ta‘u o le High Life mai Fasitoouta.
E tasi se album sa pueina. O le tausaga e 1986-87 sa ou iai i le faili a le Assembly of God i East Tamaki a le susuga ia Seleni, faapea nisi o faili a lotu i lo matou nuu o Fasitoouta.
O le taimi nei o loo o‘u iai i le faili Reggae ma nisi o uso rastafari, ae lē gata i lea o loo o‘u faamaopoopoina foi le faili a nai o‘u uso papalagi e ta‘ua o le Country Club (guitar for stars).
O le tele lava o taimi ou te taina lava le kitara ma back vocal, ae ua oso se manatu ia te au ua tatau ona fai lava sa‘u CD pese. Ia o la‘u Volume One lea. Faamoemoe i le Atua e foai mai pea le malosi ma le malamalama e toe fuafua ai se isi Volume.
Faafetai foi i le Radio Samoa mo le lagolago e ala i le latou tautua mo le faalauiloaina o lenei faamoemoe.