Faaiuga o tauvaga tautalaga Samoa aoao siitia tulaga

O se taeao matagofie ma le taaligoligoa a o agai atu le solo tele a alo o Samoa na filifilia mo le tauvaga aoao o tautalaga i le Gagana Samoa mai le Angus Inn i le Horticulture Hall i Lower Hutt i le laumua i Ueligitone.

Sa savavali ai foi ma faiaoga faapea mātua ma sui o le Komiti Faafoe a le FAGASA i lea solo matagofie ma lagiina pese masani a Samoa.

Na tatala le polokalame i le momoliga o le faafetai i le Atua e le susuga i le Faifeau ia Ieremia Tuumatavai mai le Ekalesia AOG i Lower Hutt, sosoo ai ma le faafeiloai a le Sui Pulenuu o Lower Hutt le susuga ia David Bassett (Deputy Mayor), ma tuuina atu ai loa i le malo faaaloalogia o le aso le Afioga i le Komesina Sili o Samoa, Leasi Papaalii Scanlan mo lana saunoaga faalaeiau i le mamalu o le aofia aemaise o le FAGASA i ona faiva ma matafaioi masani o le faafaileleina o le Gagana Samoa i Aotearoa.

 

O le faasologa la lenei o Iuga o le tauvaga

Tausaga 7:

 

• Tai Bryce:

Petone – Central Ueligitone.

• Eperu Sa‘u:

Wainuiomata Intermediate – Ueligitone.

• Mimisa Omeri: Bishop Viard – Ueligitone.

 

Tausaga 8:

• Susana Elise Tagoa‘i:

Papatoetoe Intermediate – Aukilani.

• Michael Pule:

Rowley Avenue School – Karaesetete.

• Urina Anaua Talaileva:

Finlayson Park School – Aukilani.

 

Tausaga 9:

• Peniamina Taiti:

St Pat’s Town – Ueligitone.

• Olive Amituanai Faumuina:

Manawatu

• Elisuluperiti Fotuamaaliipule:

Naenae College – Ueligitone.

 

Tausaga 10:

• Epi Lafaele:

Porirua College – Ueligitone.

• Shalom Vaia‘ua‘u Letoa:

Sacred Heart College – Ueligitone.

(E na o le toalua na tauva i le vaega lea)

 

Tausaga 11:

• Rachel Peleseuma:

St Oran’s College – Ueligitone.

• Akerei Junior Le‘au:

Rongotai College – Latter Day Saints Church

– Ueligitone.

 

Tausaga 12:

• Christopher Alosio:

Saint Pat’s Silverstream – Ueligitone.

• Foloti Laufiso:

Aranui High School – Karaesetete.

• Faalagi Pasa: Porirua College – Ueligitone.

 

Tausaga 13:

• Faauiaootupu Tomanogi: Naenae College – Ueligitone.

• Rosalote Tanoi: Bishop Viard – Ueligitone.

• Taagamoatoga Chong Nee:

Rongotai College – Uelitone.

 

E momoli atu le faamalo tele a le FAGASA i aiga na fesoasoani mai i itu tau tupe mo lenei tauvaga, ua mafai ai ona faataunuuina itu uma i le manuia.

O i latou nei: Levi ma Saili Tavita (Puletini o le Ola) Aukilani – Sponsor o le Tausaga 7; Wendy Esera (Puleaoga Evans Bay Intermediate) Ueligitone – Sponsor o le Tausaga 8; Ataga‘i Esera (Loia) Ueligitone – Sponsor o le Tausaga 9; Matagaluega mo Tagata Atumotu (Advisor: Taefu Robertson) Sponsor o le Tausaga 10 & 11; Whitireia New Zealand: Tiketi Auega (Polokalame i luga o le masini) ma masini na faaaogāina mo le polokalame, ma le Siufofoga o le Laumua (Faasalalauga i le ‘ea mo lauga a tamaiti na manumalo).

E toafā faamasino na feagai ma le faamasinoina o tauvaga aoao: Sala Faasaulala Tagoilelagi-Leota (Taitaifono Aoao o le SAASIA), Le‘autuli‘ilagi Taotua Malaeta F. Sauvao (Taitaifono Aoao o le FAGASA), Tuiavii Eliu Samuelu (Taitaifono lala i Aukilani), ma Magele Se‘u Collins (Sui o le lala i Ueligitone).

O le Fofoga o le aso, o Faatili Iosua Esera (FailautusiAoao o le FAGASA). O le Afioga ia Maualivao Fata (Teutupe Aoao) ma le afioga ia Afamasaga Pavihi (Taitaifono o le lala i Dunedin) na tuufaatasia togi o tautalaga taitasi, ae o le Afioga ia Aliimuamua Sia Bacheler (Taitaifono o Karaesetete) na tausia le taimi o tautalaga taitasi i le tauvaga atoa.

O le afioga ia Fuiavailiili Nalesoni (Taitaifono o le lala i Ueligitone) ma sui o le lala na feagai ma tapenaga o fofoga taumafa o le tauvaga aoao.

Na saunoa le Taitaifono Aoao, Le‘autuli‘ilagi Taotua M. F. Sauvao e faafetaia le mamalu o malo faaaloalogia, mātua, faiaoga ma le fanau, aemaise o ē na agalelei atu e ala i tupe na lagolagoina ai le faamoemoe o si fanau.

O le fetalaiga ia Taiti (malie ua lē maua le suafa matai) na fetalai e fai ma sui o mātua ma le aofia e faafetaia le FAGASA ma faatinoga matagofie i le Gagana Samoa ma taualuga ai i se siva auā lava se fesoasoani tau seleni i le galuega atiae a le FAGASA mo la tatou gagana.