Ua faailoa lautele nei e le faiaoga o le ‘au i lalo o le 20 tausaga a le Manu Samoa, le afioga Soifua John Schuster suafa o tama ua filifilia mo le taamilosaga o le Ipu o le lalolagi mo le matutua e i lalo o le 20 tausaga e faia i Aferika i Saute ia Iuni o le tausaga fou.
O Samoa o le a taaalo i le Pool A, faatasi ma Fiti, Niu Sila, ma Uelese. Ta‘ua e Soifua, e faigata le pulu lea o le a latou taaalo ai, ae o loo malosi lava lona mautinoa, e mafai telē e lana ‘au ona faatumauina lo latou tulaga o loo iai nei, tusa lava poo le ā le faigata lea e tilotilo atu i ai.
Ua taulai tapenaga a le faiaoga i le faatumauina o le tulaga maualuga o iai nei le ‘au a le atunuu i le tulaga faavaomalo aemaise o atunuu o le lio o le Oceania.
O le ‘au a Samoa o loo fefiloai ai tama mai atunuu i fafo, ma fanau foi a le atunuu o loo taaalo lava i Samoa, e pei ona faagasolo ai a latou toleniga i le nofoaga tutotonu le SRU-HPU License Training Centre.
O le ‘au ua filifilia nei:
Props: Andrew Broomhall, Petelo Fatamasei, Alex Iosefa, Raymond Salu, Aniseto Sio
Hookers: Ropeti Lafo, Damien Tovio
Locks: Talaga Alofipo, Risati Faamatuainu, Senio Toleafoa
Flankers: Oneone Faafou, Airi Hunt, Elekana Laupola, Fagasolo Taeaoalii, Tuumama Tuulua
Scrumhalf: Vavao Afemai, Faatafa Maiava
Flyhalf: Potoae Sasagi, Zachary Schuster
Centre: Toetu David, Robert Liomaiava, Lomitusi Ulu
Wing: Fale Iosefa, Utu Poliko, Peter Schuster, Jason Tagiilima, Elia Togitele
Utility Back: Fomal Ah Ki
Management
Head Coach: Soifua John Schuster
Assistant Coach: John Furlong
Team Doctor: Shaun Mauiliu
Physiotherapist: Kate Seadon
