Na faatumulia le tauvaga o le sailia o se Tausala Samoa i le faaiuga o le vaiaso, peitai, na matauina le ave uma e tamaitai tausala Samoa o loo aumau i atunuu mamao o faailoga o le tauvaga na sei mavae atu nei.
E oo lava i tapenaga o laei ma taleni na maoa’e tapenaga a tamaitai Samoa mai fafo. O se mataupu na fesiligia ai le faauluuluga o le tapenaga o le Tausala Samoa, pe lē tatau ona tagatagai i ai i le lumanai ona a faatusatusa atu o tamaitai uma nei ua manumalo i tauvaga o loo aumau ai i fafo.
O lona uiga o tamaitai numela tasi ia i le au Samoa o loo nonofo i fafo. A tuu mai la i tamaitai o loo aumau i Samoa nei, faatoa tauva lea, e le faapei o tamaitai mai fafo na tauva muamua aumai ai lea o le latou numela tasi.
Peitai na faaalia e le faauluuluga o le Manaia Event lea o loo faafoeina le tauvaga, e lē o le vaai lea poo le silasila lea a le faalapotopotoga, pau lava le ogatotonu o le silasila a le faalapotopotoga, poo fea lava le atunuu e aumau ai le tamaitai Samoa, o le tamaitai Samoa lava, ma o lona ia lea faasinomaga o le tamaitai Samoa, ma ua ia ausia foi tuutuuga ua maea faataoto atu o aiaiga e agavaa ai le tamaitai e tauva i le Tausala Samoa.
O le mau a Leiataualesa Jerry Brunt, o le po o le Tausala Samoa, o tamaitai uma lava na tauva ai o tamaitai Samoa uma lava, e leai ma se isi e faapea e le o se Samoa, e tutusa ua ma tamaitai Samoa o lo o aumau i Samoa vagana ai e eseese atunuu o lo o aumau ai.
E toa iva tamaitai na tauva ile Tausala Samoa, o le toaono o tamaitai Samoa o lo o aumau i fafo, ae toatolu o tamaitai o lo o aumau i Samoa nei.
O le to’aono e aofia ai le Tausala mai New South Wales i Ausetalia, Tausala Samoa Niu Sila, Samoa Ausetalia, Samoa Victoria, Samoa Los Angeles, ma Samoa a Melepone.
Peitai o le mau foi a leisi tamaitai na matamata i le tauvaga tausala, na atagia foi i le tauvaga le lava tapena o tamaitai Samoa mai fafo. Ua omai motu lava tamaitai Samoa i atunuu i fafo e o ma ave le mea atoa.
O le isi itu na matauina ai le lava tapena o tamaitai mai fafo o le taliga o fesili, ona o le tali sa’o o tamaitai mai fafo i fesili na tuuina atu iai.
E faapena foi le mau a le sui o le komiti o le Tausala Samoa, ua tauau ina leai ni tamaitai Samoa o aumau i Samoa nei e fia tauva, ona ua fiu foi e faasalalau e tau leai nisi na faaulu o latou suafa. E ui i lea, na maoa’e faiga a le Tausala Samoa Niu Sila, le tamaitai o Fonoifafo Nancy Macfarland Seumanu, e le gata i lana taleni, ae faapea foi i le taliga o lana fesili na fesiligia ai. O loo iai le fuafuaga a lea tamaitai o le a toe foi atu i Niu SIla e tapena mai, ona taliu mai lea i Samoa e faatino ai ona tiute faa tausala o Samoa.
Miss Samoa Victoria, Tiafau Zahriya Sina Fualaau Leaosamoa 4th runner up, 3rd runner up Latisha Sialaoa Ioane Miss Samoa Melbourne, Trinity Asuega of Miss Samoa Los Angeles in 2nd runner up, and 1st runner up Fetui Gaye Nofosao Tuetue ole Miss Samoa New South Wales.
Special Awards:
• Best Interview: Miss Samoa New Zealand – Fonoifafo Nancy McFarland Seumanu
• Miss Personality: Miss Samoa Melbourne – Latisha Sialaoa Ioane
• Bluesky Internet: Miss Samoa Los Angeles – Trinity Rosalina Robertson
• People’s Choice Award: Miss House of Gold – Tofaga Christy Filifili
• Miss Photogenic: Miss Lavashe Couture – Grace Esther Tevaga
• National Tourism Award: Miss Samoa Victoria – Tiafau Zahriah Sina Fualaau Leaosamoa
• Best Talent, Miss Samoa New Zealand: Fonoifafo Nancy Mcfarland Seumanu
• Traditionally Inspired Attire: Miss Samoa LA – Trinity Rosalina Robertson
• Best Sarong: Miss Samoa LA – Trinity Rosalina Robertson
• Best Puletasi: Miss Samoa New South Wales – Fetui Gaye Nofosao Teuteu.
