Eseese lava ituaiga taumafaiga ma faamoemoe o ekalesia sa faamanatu ai le aso o Tama i lenei tausaga peitai mo le ekalesia Peace Chapel i Magele sa avea lea avanoa e faalauiloa ai ma taleni a tama o le ekalesia aemaise foi nisi o tomai ma silafia o loo ia i latou. O se faamoemoe na felanulanuai ai le vaai e le gata i taumafa na saunia e le mafutaga a Tina ae faapea foi i teuga eseese a tama na faailoa ai lo latou fiafia i lea afiafi. O le na manumalo i le taleni o le po o le susuga Pauna Logo ae ole faailoga o le Best all year round na maua e le tama o Joseph Maselino.
