Na molimauina ina ua asia ai nisi o Ekalesia ma mautinoa ai le matagofie ma le faatāuaina pea o Tamā i totonu o Ekalesia. E moni lava e afua mai mauga manuia o le nuu, o le ala foi lea e atoatoa ai ma mautu le fiafia ma le fealofani i totonu o Ekalesia, e lē taumate e faapea foi i totonu o aiga.
O le tele lava o Ekalesia na mae‘a sauniga ona tauaofia lea i ni taumafataga tele e fiafia ai ma faamanatu ai le Aso faapitoa mo tamā, i le tele o o latou sao tāua ua faaeaina ai le tele o aiga, e lē gata o Samoa ae o atina‘e i nei atunuu.
Na faaalia ai faiva alofilima masani o tina ma fanau i lea aso faapitoa e faamanatuina pea i tausaga taitasi. Manuia tele le Aso Sa o Tamā i Ekalesia Samoa uma!