E te SIlafia?

Na iai se alii Initia e suafa ia Sanju Bhagat na faasolo ina telē lona manava i le 30 o ona tausaga, ma ua ese mai le telē masani o manava o tagata soifua. Na popole ma faavave atu i le falemai ma ta‘u ane ai o loo iai se fula (tumor) i le manava. Na fai atili suesuega a fomai ma iloa ai, e foliga sa tatau ona iai se uso masaga o Sanju, ae nai lo le ola mai i fafo, ae ua ola pea i totonu o le manava o si ona uso masaga lenei o Sanju. Faapea se lipoti, sa mafai ona faaauau ona ola lea uso masaga i lona mimitiina o se vaega o le toto o Sanju. Na fai le taotoga o Sanju e aveese mai i fafo lona uso masaga, ma fai mai le fomai na faia le taotoga, Doctor Mehta, ‘na faasolosolo tai tasitasi mai lava i fafo vaega o le tino, seia oo ina sau uma i fafo.’