E te mafaia, ou te mafaia, You can I can o le igoa lena o le kemupeni, a alii ma tamaitai, o tamaiti ma teineiti ua manumalo mai sauaga i totonu o aiga ma sauaga o feusuaiga.
O le kemupeni lea o loo taulamua ai teineiti ua saoloto ma manumamlo mai nei sauaga, ua tapenaina i latou mo lu’itau o le olaga nei, ma ua uma foi o latou taimi na nonofo ai i totonu o le Toomaga mo ē Puapuagatia.
O tamaitai nei, ua loto tetele e toe foi atu i aiga ua uma ona tapu’e ma toe fotua’i o latou olaga i le olaga o aso uma i aiga ma nuu i tua. Ma o loo galulue faatasi ai nei fanau ma le faalapotoptoga a le SVSG Juniors, aemaise o le faalauiloaina o le latou misiona i le vaiaso fou.
E te mafaia, ou te mafaia
E silia i le 50 tamaiti o loo i totonu o le Toomaga i le taimi nei, e aofia ai pepe, fanau laiti e oo atu i le 18 tausaga le matutua.
O fanau uma nei, e lē gata ina aooga faapitoa ai, ae o loo aoaoian foi i tomai e mafai ona toe foi atu i aiga, ae ua iloa atinae lona tagata i se olaga e lē maua ai se ola faameomoe, i isi , ua mafai ona fai lana tamatai pusiinsi ma tautua ai foi i lona aiga ma lona nuu.
E lē na’o tamaiti o nonofo i le toomaga ua maua faamanuiaga o tomai faapisinisi. O loo faagasolo pea le polokalame, talu mai le amataga o le tausaga mo fanau e lē o toe aooga ae o nofo fale, mai le 18 tausaga i lalo le matutua. E aoao ai tomai faapitoa, e maua ai sona fesoasoani i le lumana’i.
Ua manuia ai taupulaga o afioaga tu taulaga, o taatele ai lenei faaletonu i soifuaga tau atinae.
E ese mai le polokalme o le nofotane, lea ua faatamaoaiga aiga, e silia i le 3 afe tina o le atunuu. O se galuega sa faia faatasi ma Malo Aufaatasi.
E 500 o na tina o le atunuu, ua faia pisinsi ma ua faaopopo ai i le tamaoaiga o Samoa, ae o le toe faaolaola maiga o galuega lalaga, galuega taulima, ma taumafa gaosi.
Ua maitauina foi le taumafai mai ai o le malo o Saina lea ua savalia ai le lua tausaga o le latou foi polokalame, peitai ua na’o sina vaega o tina o loo manuia ai.
Ae o loo faapena foi ona galulue le matagaluega o tina ma tamaitai, e tulituli loa le latou faapaaga ma sui tamaitai o le malo i totonu o nuu, e faamalosia’u i le latou galuega o le unaia o le taumafa tatau, soifua maloloina ma le tumama i totonu o nuu, ae o atinae e gafatauilma ina e le tina pei o le puipuiga o le siosiomaga ma atainae pei o le totoina o toga togo, e faasagatau atu ai i suiga o le tau.
O galuega atinae nei a le itupa o tina i le atunuu, na saunoa ai le tina ia faleafa Tui Tekiu o Vaimoso, e lē o se mea fou nei, ua tele tausaga o taumafai lava le matagaluega o tina ma tamaitai i se faataitaiga, lea ua sosolo mai ai lava na faamanuiaga i tamaitai sogasoga ma mataala o Samoa.
