Soo se pepe lava e muamua totolo faatoa laa ai ma savali. E faapena se taumafaiga o se tau atina‘eina o se faamoemoe.
O le a‘e ai o se faautautaga i le tuufaatasi ai o nisi o aufaipisinisi faapea le tautua a le leitio e faia ni faamalositino faalua i aso o le vaiaso, o se auala lelei foi lea e fesoasoani ai e faatumu le taimi o nisi o tamā ma tina faapea le autalavou. E le gata i lea o le fetaui lelei ma le mānava o galuega.
O loo faia pea Zumba poo le faamalositino i le nofoaga o Abelia ma Rosemary Street i Inala amataina i le 6:30 i le afiaafi e oo atu i le 7:30 e na o le tasi le itula. Ua faamoemoe o le Aso Lulu aso 4 o Iulai o le a amata ai ona faia i le afiafi o le Aso Toonai.
E momoli le agaga faafetai tele i le afioga ia Galumalemana Harry ma Apu Timoteo o le Enchiro Laei ma Containers; susuga ia Tavita Sione o le Pane and Pain; Lealaifola Lui & Leigh o le ABPS PTY Ltd, ma le Top Fencing; PrimOZ ia Dean, Mona Vie ma le Sumner Park Smash Repair ia Rosita ma Opetaia Sione faapea le Frank Frost Taekwondo Australia, mo le lagolago mai ua mafai ai ona faataunuuina lenei fuafuaga.
E faamalo foi i le susuga i le Toeaina ia Rev Tauaaga ma le faletua ia Reeta Mataafa, faapea le tofa ia Lealofi Lausei Pritchard ma le faletua ia Lagi.
O loo tatala pea le avanoa o lenei faamalositino mo i latou uma o alala i Brisbane e agai atu ai e faalusi nisi kilo i lenei auaunaga fua e leai se tupe e totogiina. E maua le faaailoga i le faaiuga o le tausaga o le tagata o le a tele ona pauna ua lusi (Biggest looser).
O lenei faamalositino o loo faia i le tulimanu o Abelia ma Rosemary Street i Inala, i afiafi o Aso Lulu ae amata i po o Aso Gafua i le aso 4 o Iulai.
O numera o loo mafai ona faafesootai i ai mo nisi faamatalaga, o le 0434 589 333 poo le 0412 126 620.
