[et_pb_section fb_built=”1″ _builder_version=”4.3.2″][et_pb_row _builder_version=”4.3.2″][et_pb_column _builder_version=”4.3.2″ type=”4_4″][et_pb_image src=”https://www.samoatimes.co.nz/wp-content/uploads/2020/03/Untitled-1.jpg” _builder_version=”4.3.2″ hover_enabled=”0″][/et_pb_image][et_pb_text _builder_version=”4.3.2″ hover_enabled=”0″]
O le sauniga tele a le ekalesia Katoliko sa faia i le Vodafone Event Centre i le taeao o le Aso Toonai ua mavae 7 o Mati, na molimauina ai le silia i le tolu afe tagata mai ekalesia taitasi a le ekalesia Katoliko i totonu o Aukilani, sa latou molimauina le sauniga Paia ma le mamalu i le faauuina ai o le afioga ia Rev Father Michael Gielen e avea ma Epikopō i totonu o le ekalesia aoao i Aukilani.
O le afioga ia Bishop Patrick Dunn o loo avea nei ma Epikopō, peitai ua gasegase le afioga ia Bishop Patrick Dunn i ona fofoga (mata) ua mafua ai ona fai lea filifiliga i totonu o le ekalesia aoao a le Katoliko i Aukilani ina ia iai se tasi e suitulaga ia Bishop Patrick Dunn. Ma o le taimi nei ua galulue faatasi i laua i lea tofiga seia oo lava i le taimi e tulai mai ai le afioga i le Epikopō Michael Gielen e faaauau le tofi.
Ekalesia Malaeola na peseina viiga o le taulaga
O le sauniga na aofia ai le 150 o afioga i alii Pelepitelo (faifeau) ma tagata mai atunuu eseese o le lalolagi o loo aumau ma lolotu i le Ekalesia Katoliko i Aukilani sa latou siitia faatasi le taulaga o le faafetai i le Atua ona ua faataunuuina ma le manuia lea faamoemoe. O lupe sa vao eseese a’o lenei ua fuifui faatasi i le mamalu ma le matagofie o le Atua i le faataunuuina o lea sauniga.
O le tu ma le aga i fanua a tangata Whanua na amata faafeiloai ai le mamalu o le faapotopotoga, ma amata ai loa le sauniga. Ua su’ifefiloi le mamalu o le aso, ina ua militino faatasi aganuu a atunuu eseese o le Pasifika sa auai i le momoliina o le taulaga o viiga i le Atua. O le kulupu Tonga sa momoliina le Tusi Paia i le taimi o le sauniga, sa maitauina ai foi le faaali ai o le latou aganuu ma le latou faaaloalo i le Atua i lea taimi o le sauniga.
O le ekalesia Katoliko Samoa i Malaeola sa feagai ma le momoliga o le Taulaga. Ma o se vaaiga ese lea sa faate’ia ai le maimoa ma le silasila a le faapotopotoga sa auai i le sauniga i le faatinoina o le aganuu a Samoa i le taimi o le momoliga.
Ua mamalu le talalelei i le pola puipui ai o le aganuu, ma o se vaaiga sili lea sa ofo ai le tele o faifeau palalagi, i le maualuga o le aganuu a Samoa sa faatinoina, lea sa mamalu ma maualuga ai le faamoemoe o le aso.
O le afioga i le Peresetene o Malaeola ia Afoamua Felise sa saasaa i le momoliina o le taulaga ona aiaiuli atu lea o sogaimiti. Na faatino vaega uma o le faaaloalo a Samoa, e pei ona iai le su’iga, o le ta’isi faapea le manufata tele sa auau ai le taulaga faatasi ai ma le malo (toga) sa tatala.
O le faaulaina o faifeau e 150 faatasi ai ma Epikopō e toavalau sa auai, na saunia uma e le ekalesia Katoliko Samoa faatasi ai ma le peseina o viiga o le Atua i le taimi na momoli ai le taulaga.
O le manaoga o le afioga i le Epikopō ia Michael Gielen ina ua asiasi atu i le Malaeola ma le afioga ia Bishop Patrick Dunn i le Aso Sa 1 o Fepuari, ma matamata ai i le faatinoina o le taulaga o le Misasa a le Malaeola, na ia lafo ai le faaaloalo ia Father Michael Alipia Endemann o loo tausia le ekalesia Katoliko Malaeola e tapena e latou le taulaga o le Misasa i le taimi o lona faauuga. Ma o lea sa faataunuuina ai loa e Malaeola lea vaega o le sauniga i le Aso Toonai ua mavae.
O Epikopō Michael Gielen sa avea ma faifeau (Patele) o le puleaga i Hamilton i nisi o tausaga ua mavae, ona filifilia mai lea e avea ma faatonu (Spiritual Director) i le Seminalio i le 3 tausaga, ma toe filifilia mai ai loa ia e le Tamā Paia i Roma ia Pope Faranisisi, e avea ma Epikopō i Aukilani, ma ua faaeaina ai o ia i lea tofiga maualuga i totonu o le ekalesia Katoliko i Aukilani.
O alofaaga ma faamanuiaga mai le afioga ia Patele Michael Alipia Endemann, afioga i taitaifono ma le mamalu o le Ekalesia Katoliko Samoa i Malaeola; ia sagai ane ‘ai o le tai ma ia faaosofia foi moealuaga i manatu lelei ma le tofa faale-Atua i le afioga i le Epikopō fou o Aukilani, auā lana galuega fita o le a feagai ai.
[/et_pb_text][/et_pb_column][/et_pb_row][/et_pb_section]
