Paticia ma Steve Sevele
(Sina World Travel Goodna)
E ootia le loto ma le mafaufau ona o le vaai atu i le tele o uso a faipisinisi ua iloga ona faaleagaina e pei o le Paepaelei o loo sosoo lava matou.
Sa leai lava se loto e faia ina ua vaaia le lolovai ae o le mea sili na mafai ona maua le taimi e aveese ai matou pepa ma faila faapea computers.
E lei mae‘a ona aveese mea uma peitai o le mea sili sa leai se tasi e afaina. Ua lē o toe faaaogāina le matou ofisa malaga i Goodna, ona ua lē toe aogā totonu i ni galuega mo se taimi umi.
Ua toe tatalaina nei le isi lālā o le Sina World Travel i Red Bank Plains, mo se taimi lē tumau. Faafetai tele i le agalelei o lea aiga e ona le avanoa ua matou tautua mai ai i lea nofoaga i Red Bank Plains. Faamafanafana atu foi i nisi o aiga ua afatia ma faaleagaina maota ma mea aogā, faapea uso faipisinisi.
Ua ofoina atu foi le fesoasoani fua a le Sina World Travel mo i latou uma na aafia ma pagatia ma fia manaomia se fesoasoani i tulaga tau inisiua e mafai ona matou toe fesoasoani fua atu i soo se tasi i vaega ia.
E moni lava i la matou tautua ua faaleagaina foi ae lagona lava le ootia ma le loto alofa ia i latou nei o nai aiga e fia tuu atu lava lima foai e tatou tau fai tiga faatasi.
Faamanuia tele le Atua. Tatou toe faafoi pea le viiga ia te Ia ona o loo maua pea lo tatou ola. Faafetai atu i le Samoatimes mo lenei avanoa matagofie e mafai ai ona iloa e nisi atunuu ma setete le mafatia o Kuiniselani.
