Nisi o i latou na matuā afaina fale ma mea totino i le lologa, ma a latou molimau vaaitino i lenei mala faafuasei.
Afioga Lilomaiava Tua & Taulapu Faavaoga
(Tuanai & Lepā Aleipata)
Faato‘ā lua aso talu ona ma taunuu mai Samoa, o a‘u ma le tina o le aiga, ae lapatai mai loa e o ese ma fale; o‘u fai atu loa i le tina e sili pe a tapena.
O le taeao o le Aso Lua na sifi ese ai, o lavalava ma isi mea na mafai na ave pau lena ae o le tele o meaafale e lei toe popole i ai se isi.
Na oo i le afiafi ua matuai sua tutu‘i le vai. O le taeao o le Aso Lulu na tilotilo mamao mai ai i le isi auala, ua leiloa mai le taualuga o le matou fale e aofia uma ai le Street atoa. Ua matuai laki le usitai ae lē masalosalo semanu e lē o maua se mafutaga fiafia i le taimi nei ma le aiga. E ui ua faaletonu le fale ae o le faafetai lava i le Atua ona ua ma taunuu mai e lei tupu lenei faalavelave ua fesoasoani ai i le fanau sa faamuli atu.
Na maui le vai i le Aso Tofi ma tatala foi le auala, ma o se vaaiga uigaese i le taimi na tapena ai i fafo mea uma ua faaleagaina, na faaeteete ona ne‘i te‘i ua toulu ane i lalo le faaalo, auā a ota pipii atu i le wall ae alu atoa ai ma lota lima i totonu ua pala uma le wall.
O le vaai atu i ai e ofoofogia, e faafetai pea le Atua ona ua warn mai matou. O le taimi nei ua leai ni lavalava, leiloloa uma atu ai ma pepa malaga ma isi mea aogā.
