E muamua ona sii le viiga ma le faafetai i le Atua ona ua mafai e oe le afafine pele ona aulia mai lou uluai tausaga lenei.
Faafetai i le Atua ona o lana tausiga ia te oe ma lana faamalologa i lou tino.
O la matou tatalo ia faapena ona alofa le Atua ma foai atu nisi tausaga se tele mo lou olaga tuputupu a‘e, ia avea oe ma se teine lelei faapena ona maua le loto alofa, agamalu, loto maualalo ae lē gata i lea o le ola usiusitai i soo se tagata, mātua ae sili ai le Atua.
Ia avea oe ma lamepa e susulu atu ai le lelei o le Atua i soo se tagata.
O upu a le tusi ia e ava i ou mātua e faalevalevaina ai aso o lou olaga.
Toaga i le lotu ae tuu le ulavale, alofaaga ma faamanuiaga mai i lou Nana o Tuna, ou grandparents ia Pa‘ō ma Luisa, ou aunties, uncles, cousins ma ou aiga uma i Samoa, Amerika Samoa, Amerika, Ausetalia ma Niu Sila nei, ae sili ai alofaaga o ou uso ia Shalom, Faasalia, Ritah ma lou tuagane e toatasi ia Junior ae silisili ai ou mātua ia Hitesate ma Hannah Sooaemalelagi o Kelston.
