O le taimi nei o loo i luma o le Palemene o Samoa se tulafono e aveese ai le aiā i le tulafono lea e iai i le taimi nei, e mafai ai e latou ua fai fale ma nonofo i eleele faatau motu (freehold title), i le 12 tausaga poo luma atu foi, ona ave se tagi i le falefaamasino i Samoa (Supreme Court) e liliu le fanua i latou igoa, ona ua leva ona nonofo i lea fanua.
TULAFONO O IAI I LE TAIMI NEI LEA O LE A AVEESE E LE MALO O SAMOA PE A PASIA LE TULAFONO – ADVERSE POSESSION:
I lalo o le tulafono a Samoa i le taimi nei e ta‘u o le Adverse possession e mafai e tagata o loo nonofo i se eleele faataumotu (freehold land) i ni tausaga e 12 pe sili a‘e ona o i le falefaamasino e fai se tagi latou te aveina faaletulafono lea eleele.
A pasia loa le tulafono lenei ua i luma o le Palemene i le taimi nei, o le a lē toe mafai loa e latou o nonofo i freehold land ona ave ni tagi i le falefaamasino e liliu faaletulafono i o latou igoa, Adverse Possession Law, lea fanua.
LATOU E AFAINA TELE IA I LEA TULAFONO PE A PASIA NEI:
• LATOU O NONOFO I ELEELE O AIGA:
• Aiga ua leva ona faufale ma nonofo i luga o eleele (freehold land) i ni tausaga e teleae o le fanua o loo i lalo o le igoa o le tagata e ona le fanua mai i le amataga. O le tele o mea faapea, sa fai i le valelei ma ni tuutuuga i va faaleaiga.
• O le tele o nei aiga, ua mautu fale i luga o fanua lea e ta‘ua, ona omai lea i Niu Sila, Ausetalia poo isi atunuu, ae tuu ai nisi o aiga o faamuli mai ma nonofo i fale lea e i luga o le freehold land o le tagata lea e lesitala ai le fanua i le tulafono.
• Afai o le tou fale o i luga o se fanua Freehold e lei vavaeeseina mai aloaia i le tulafono le “title’ ia te oe poo outou, e pasi loa le tulafono lea, e lē toe mafai ona tagi i le falefaamasino e liliu le title o le fanua lea tou te nonofo ai ia outou.
• E pasia loa lea tulafono, ona mafai loa lea e le tagata e ona le fanua i le tulafono, ona faatulai ese outou lea e nonofo ai i lea fanua, ma faatonu e tala ese fale ma o ese.
• ELEELE O LE MALO:
• Afai o nisi o nonofo i eleele o le malo (Freehold land ) o loo mafai i le tulafono i le taimi nei, ona ave ni tagi i luga o le Adverse Possession Law, e liliu ane e le malo le title o le eleele lea, pe afai ua 60 tausaga talu ona latou faaaogāina ma nonofo i eleele o le malo.
E pasia loa le tulafono lenei e ta‘ua, e mafai loa foi e le malo, ona faatulai tagata o loo nonofo i eleele o le malo, auā o le a lē toe mafai e tagata nei ua leva ona nonofo i eleele o le malo, ona fai ni tagi i le falefaamasino e ave ane titles o eleele. E iai nuu ma alalafaga e tatau ona nofouta i le mea lea o le a oo iai.
FAUTUAGA:
I luga o le tulafono lea o le a pasia, e iai le avanoa i le tulafono, e faaauau ai claims poo tagi i luma o le falefaamasino (Supreme Court), i le taimi nei, a o lei pasia aloaia ai e le malo ma sainia e le Ao o le malo lenei tulafono.
Afai e pasia le tulafono ua uma ona faila ia tagi i le falefaamasino, e mafai ona faaauau tagi ia na faila a o lei pasia le tulafono e le falefaamasino.
Afai la e iai se fanua o se tou aiga i luga o eleele ia e ta‘ua, poo le tou nuu o iai ni fale ma ni faatoaga i luga o ni eleele o le malo i ni tausaga se tele, o le taimi lenei e tatau ai ona ave i luga o le Supreme Court se tou tagi. E pasia loa le tulafono lea ua iai e le Palemene e lē toe iai se avanoa.
O le Limitation Amendment Bill 2011 Section (1) ma le (2) o loo tatala ai le avanoa lenei e tau i le aso e pasia aloaia ai le tulafono lea e ta‘ua e le malo.
Section 2(1) it does not apply to relevant actions file with the Supreme Court and served upon the other party or parties, and defended or resisted by the defendant”.
Section 14 of the Act …applies only to actions filed with the Supreme Court served upon the other party or parties, and defended or resisted by the defendant party on the grounds of Adverse possession before or on the day the Act (i.e. the Bill after it is passed) commended
E MATUAI LEAI, LEAI SE AOGĀ E SUSULU MAI AI E PUIPUI TOE MEA TOTINO MA TOU AIĀ TATAU I LE TULAFONO I TOU FALE O I LUGA O NI FREEHOLD LAND I SAMOA POO ELEELE O LE MALO, UA LEAI SE AVANOA I LE TULAFONO. E FOLIGA MAI O SE ASO LATA MAI LAVA E PASIA AI LENEI TULAFONO AUA O LO’O TALANOAINA i LE TAIMI NEI E LE PALEMENE, MA PASIA LOA.
