Na aofia potopoto nai ona aiga, uo ma aumea mamae aemaise o le mamalu o Samoa e faamanuia ma patipatia lona Aso Soifua. Na faafoi faatasi le viiga i le Atua ona o le soifua tulu‘i o le tina.
Na saunoa le tamā o le aiga e molimauina le la mafutaga aemaise o faiva ma tiutefai o tautua ai lenei tina i si o latou aiga. O le faili mālie a le New Flavaz na feagai ma faafiafiaga a o tali le sua a le valaaulia. Na maualuga le faamoemoe o le tina ona o le malaga faatasi mai o tauaiga mai Niu Sila, Samoa ma isi setete o Ausetalia.
O le tatalo ia foai e le Tapaau sili nisi tausaga faaopoopo i lou soifua ma tumau ona agalelei ane i meaalofa ma taleni faatino i lo tatou aiga. Alofaaga mai le tamā o le aiga, si au fanau pele, uo ma aumea mamae aemaise ou aiga uma. Manuia tele lou Aso Soifua!
