Ua patipatia nei e Melepone ma faafetaia se auaunaga fou faa-Samoa ua tatalaina i ona laufanua i le pitonuu o Broadmeadows, mo le faafunaina o ao ma le taina o pe‘a (tatau) faaonaponei (barber/tattooist) O le susuga ia Vio ma lana paaga ia Sapi ua tautua mo Samoa, i le la pisinisi ua faaigoaina o le “Coco Flavaz.”
Saunoa Vio, o lana tautua e mo soo se tagata, amata mai i alo ma fanau e oo lava i tuaa sinasina. Soo se ituaiga ‘oti e te finagalo ai mo lou ao, ua foaiina e le Atua ia te ia le malamalama e faamalie ai finagalo o ona tagata Samoa.
E faapea foi i pe‘a poo tatau, taulima (sleeves) igoa i soo se sikaili, mamanu faaonoponei, mamanu o le tatau, e mafai uma lava e le Coco Flavaz ona faamalieina lou finagalo.
O loo faatauina ai foi ma ni laei mitiafu, le ituaiga o le Humungees, Coco Customs, Disdeejay ma le tele o ofu e te filifili ai.
E tatalaina le auaunaga a le Coco Flavaz mai le Aso Gafua seia oo i le Aso Toonai. Momoli le agaga o le faafetai i le saili malo o lenei alo o lo tatou atunuu. Faafetai lotonuu!
