Atonu i talafaasolopito o lenei taaloga o le Marafoni o se tasi lenei o taaloga sa tele ina ta‘uta‘ua ai nisi i Samoa i tausaga ua mavae, peitai ane ua alua‘i alua‘i tausaga ua faafuaseai lava ona lē toe vaaia ma faia e pei ona sa masani ai i totonu lava o Samoa latou.
O Marafoni sa tele ina faasalalauina i luga o le 2AP i tausaga ua mavae e amata atu i Mulifanua ae faamae‘a i le Uati tele i Apia ina ua toe taliu agai mai Moataa agai mai ai lava i le Uati tele i Apia ma faamae‘a ai iina.
Atonu e lē fou lea tulaga i le faatinouina o le momo‘e, ae ua ese mai le faiga fou lea ua tele ina vaaia i lenei foi talutalufou o le Aau muamua, vili le Uila sosoo ai loa le taufetuliga ma taualuga ai loa.
Masalo poo se vaitaimi o Iuni agai atu ia Iulai sa faataunuuina lea taaloga i Apia ma sa vaaia ai sui tauva mai atunuu i fafo sa aafia ai ma Niu Sila.
O se tasi o tamalii o loo taulamua i le unaia o lenei foi taleni tau taaloga i Samoa o le susuga lea ia Seti Afoa. E ui ina sa lē manuia le taumafaiga i le uluai taimi ae e faleaoga lava mea uma, masalo a tumau ai pea le auai ai o Samoa i lenei taaloga e fai fai lava oo ina iloa fai ma atoatoa lelei ai le faatinoga o lea taaloga.
O le Aso Sa sa faataunuuina ai lenei taaloga o le Marafoni i Devonport i North Shore (ADIDAS AUCKLAND MARATHON). Faapea se faamatalaga e silia ma le 17,000 i latou sa auai i lenei Marafoni, e lē gata i tagata matutua ae faapea foi tina ma tamaitai e oo lava i le fanau laiti sa faapena ona auai ai e faatāuaina lea polokalame.
O le toatele lava o i latou sa tausinio ai sa taunuu uma lava i le taunuuga se‘i vaganā ai nisi sa faataunuu lava i le nofoaga e malolo ai i le malosi talafeagai ai mo ia. O Victoria Park sa taualugaina i ai le marafoni i lea aso, sa faatalia ai e le toatele o tagata sa maimoaina lea Marafoni.
O sui o Samoa sa auai i lea Marafoni mai Samoa e aofia ai Tueffy Tuigamala, John Letoi, Penetekoso Fale, Joseph Tagaloa, Talalelei Mauga. Ma ua ausia ai nei e Tueffy Tuigamala se matatia fou New Record i Samoa i le taimi 3itula 12minute 38sekone.
Na ta‘ua e Seti Afoa, sa finau lava i le malosi e gata ai ina ia maua le avanoa e finau ai nei alo o Samoa i lea Marafoni i Aukilani, oloo momoli le agaga faafetai i le lagolago i pepa malaga faatasi ai ma pemita faataga e malaga mai ai e tauva ai i lenei marafoni.
O le iuga o le malafoni mo sui o Samoa na auai:
1. Tueffy Tuigamala (Marathon) 3itula 12minute 38sekone
Lona 135 mai le to‘a 2,697 na tamomoe. O le matatia fou lenei mo Samoa mo le malafoni, ua gausia ai le matatia sa umia e Darren Young (3itula 16minute)
2. John Letoi (Half Marathon) 1itula 25minute 54sekone
Lona 74 o le faitau afe; e lē o mautinoa le aofai o tagata na tamomoe
3. Penetekoso Fale (Half Marathon), 1itula 30minute 59sekone
Lona 149 o le faitau afe; e lē o mautinoa le aofai o tagata na tamomoe
4. Joseph Tagaloa (1/4 Marathon), 48minute 3sekone
Lona 64 mai le to‘a 2,124 na tamomoe.
5. Talalelei Mauga (5kms) DQ (Technical)
