O se tasi lenei o aiga ua lauiloa i le saliga o le Salamo auā o le tele o tamafanau ua ofoina lo latou soifua mo le galuega a le Matai.
O le po o le Aso Toonai aso 18 o Me na potopoto ai alo ma fanau faapea aiga o le tina ia Peka Petaia ona o pelega o alo ma fanau e faasino i le faafeagaiga ia Lance ma Lite Tautiepa (EFKS Westside) faapea le faafeagaiga ia Ps Peteru ma Luse Poloai (AOG Itu Samoa) e ala i se fiafia tele e sii ae ai le faamanu i le Atua ua aulia aso faamanatuina.
Sa taitaia le sauniga lotu faamanuia e le susuga i le faafeagaiga ia Ps Peteru Poloai ona alo lea i se taumafataga tele. O le matagofie o lea faatasiga a aiga ona e lē gata o fanau ua faamanatuina aso fanau ae o le maua o avanoa e mafuta ai alo ma fanau a le tina matua ia Peka Petaia mai Faleasiu o loo maua pea e ia le soifua laulelei.
Alolofa ma faamanuiaga mo le atoaga o le 2 tausaga o Jakell Poloai. Manuia lou aso fanau. Alofaaga faasilisili mai ou mātua o Tiresa Tautiepa ma Pita Poloai faapea ou grandparents Rev Lance & Lite Tautiepa ma le nofoaalo, faapea Ps Peteru ma Luse Poloai aemaise le tina matua ia Peka Petaia, Susuga i le faafeagaiga ia Rev Petaia & Sarai Tuifao ma le nofoaalo, Rev Ieriko & Matautu Sopoaga ma le nofoaalo, Rev Maiseli & Faanati Maiseli ma le nofoaalo, Anae Leleiga & Taalolo ma le nofoaalo, Anae Maafaavae ma Liliuese Tuifao ma le nofoaalo, Anae Malo & Matalasi ma le nofoaalo, Nanai Anae Tino & Toafā & nofoaalo, Savana & Aliki ma le fanau, Felise & Asosi ma le fanau, Anae Pati & Malia ma le fanau, Sipili Tuifao ma le fanau.