O le taimi faapenei i le tausaga ua mavae na tatalaina ai le auaunaga a le faletua ia Norma Kumar (Pesega) ma si ona alii le susuga ia Ashok Kumar.
O le kamupani a lea faletua o si o tatou atunuu ua faaigoaina o le Island Fresh Foods i le tuatusi Shop 3/30 Commercial Drive i le pitonuu o Springfield.
E tatalaina i aso uma se‘i vaganā ai le Aso Gafua e tapuni ai. Toatele foi i latou ua fiafia i kuka ma taumafa Samoa moni o loo kukaina e le faletua ia Norma Kumar ma le aiga. E oo foi i tupulaga talavou, alo ma fanau e lolofi atu se‘i tofo taumafa faaonaponei i le tautua a le Island Fresh Foods.
