Aso soifua 60 tausaga o Anae Maa Tuifao i Brisbane

O se aso matagofie sa potopoto ai aiga uo ma ē masani i le faamanatuina o le 60 tausaga o le afioga ia Nanai Anae Maafaavae Tuifao i le Aso Faraile 19 o Aperila i le hall i le fanua a le Ekalesia EFKS Southside.
O le susuga ia Rev Petaia Tuifao (Faafeagaiga EFKS Southside) sa feagai ma le sauniga faamanuia ae feagai le susuga ia Rev Lance Tautiepa ma le faapaiaina o le keke o le afioga ia Anae Maafaavae Tuifao (EFKS Westside).
Na matuai faateia o ia ina ua taunuu atu i le nofoaga ae tatala ona fofoga e lona tuafafine ia Faafete Poasa mai Niu Sila faapea nisi o tauaiga mai Samoa ma isi Setete o Ausetalia.
O le alo lava o le afioga ia Anae Maafaavae sa fai ma Fofoga o le po, le susuga ia Isac Tuifao. O le afioga ia Anae Leleiga Tuifao sa fai ma sui o le auvalaaulia ma aiga e faafetaia le faletua ia Liliuese ma le nofoaalo ona o tapenaga matagofie sa faalanuina ai ē na potopoto.
Na sāō le auvalaaulia i le logomalie o molimau o le soifuaga o le afioga ia Anae Maafaavae e lana manamea ia Liliuese ma si ona tina ia Peka Tuifao o loo maua pea lona soifua laulelei.
Alofaaga e lē mavae mo oe mai si ou tina peleina ia Peka Petaia, Susuga i faafeagaiga Rev Petaia & Sarai Tuifao ma le nofoaalo, Rev Lance & Lite Tautiepa ma le nofoaalo, Rev Ieriko & Matautu Sopoaga ma le nofoaalo, Rev Maiseli & Faanati Maiseli ma le nofoaalo, Anae Leleiga & Taalolo ma le nofoaalo, Anae Malo & Matalasi ma le nofoaalo, Nanai Anae Tino & To‘afa ma le nofoaalo, Savana & Alki ma le fanau, Felise & Asosi ma le fanau, Anae Pati & Malia ma le fanau, Sipili Tuifao & fanau, ae faasilisili ai alofaaga e lē mavae mai lau darling, the one and only Liliuese Tuifao, ma nai ou alo o Matalasi, Isac ma Eddie Tuifao.
Manuia tele le atoaga o lou 60 tausaga ma ia e toaga e tatalo aua e te augata e alu i le lotu, faaaogā lou soifua mo le Alii. (molimau a si ou tina ia Peka sa aiaiuli ai i lona agaga fiafia). Ae feagai i le susuga ia Rev Lance Tautiepa (EFKS Westside) mo le faapaiaina o le keke.