Aso fiafia susuga ia Lincoln Atara ma lana manamea Aitasi Seira Afamasaga

O ala o le Atua ia faatasia le aiga fou i le sakalameta e osia ai se feagaiga e ala i le faaipoipoga. Manuia tele le aiga fou ma ia fusia i le alofa moni.

O alofaaga ma faamanuiaga mai lua uosili ma aumea mamae. Alofaaga mai lua aiga uma lava i Ausetalia, Samoa ma Niu Sila aemaise lua ekalesia Aso Fitu o le Toe Afio mai i Logan City ma le Uarota a Richlands i Centenary Stake.

O alofaaga faasilisili ma i lua matua pele ia Peseta Aperaamo & Eunike Afamasaga; faapea Faleulu & Faasina Latu Fiu. Momoli atu foi alofaaga o le ofisa fai faaipoipoga susuga ia Niko Burgess & Ruth & fanau, faapea Lealofi Lausei & Lagi Prichard & fanau.

Sa faataunuuina lea faamoemoe i le Aso Toonai aso 19 o Me i le malumalu o le Ekalesia a Iesu Keriso o le Au Paia o Aso e Gata ai.

O le pule o le tausamaaga o le susuga ia Faleata Tumama Fiu (uncle) ae o le susuga ia  Magele Faresa (uncle) sa fai ma sui o aiga na lua e faaleoina faaaloaloga auā le paia i le auvalaaulia.

O le tofa ia Lolo Tanielu Ki sa fai ma fofoga o le auvalaaulia e faafetaia aiga i le taumafaga ma nisi o maau sa milomilosia i ai ma faatinoina i lea aso. Manuia le aiga fou Aitasi Seira ma Lincoln Atara Afamasaga.