Asia e Asuao Felise Mikaele laufanua o Melepone mo ana faafiafiaga

O Asuao o se tasi o tamalii pese ua fiafia e fai paaga ma le mamalu ma le paia o Samoa o alala ma papaaao i le aai o Melepone, o se tasi foi o suafa e fiafia tele Melepone e faafogafoga i lona siufofoga ma ana fatufatuga.
O le Aso Toonai nei lea ua sauni atu ai Asuao e faafiafia ana paaga, uo ma aumea mamae i lana koneseti e tasi i le aai tele, lea ua savalia nei i le tolu vaiaso o faasalalau ma faalauiloa e ana paaga i luga o leitio ma galugalu ma peau o le ea lona faamoemoe.
O le faili malosi a le Mt Fao o le a fesoasoani i lea po e faamatagofieina atili le faamoemoe.