Ua alo atu nei sui o le Komiti Faafoe a SAASIA i Ueligitone e faatino ni faafouina ma le pitonuu i Kalaiesetete mo faiaoga o Aoga Amata i le Aso Toonai 28 o Iulai.
E iai le talitonuga o lenei galuega ua faapitoa lava i le Komiti Faafoe e tusa o la latou anavatau o le faafouina o le atamai o faiaoga i Aoga Amata mo le faaleleia atili o le aoaoina o le fanau laiti.
Ina ne‘i fesiligia e se tasi le Agatausili, poo le ā le uiga. O le upu lea ua faasamoaina ai le upu palagi o “values”.
E amata le fonotaga a le Komiti Faafoe i le Aso Faraile 27 o Iulai i le aai lava o Kalaiesetete ona sosoo lea ma le faafouina o faiaoga i le Aso Toonai e pei ona ta‘ua i luga.
O le faatina o le SAASIA ia Fereni Ete o le a feagai ma le pepa e uiga i Agatausili o Aoga Amata, ma e fesoasoani i ai Saveliga Liko i lea lava mataupu. O le susuga ia Fou Alapati le failautusi aoao o le SAASIA, o le a feagai ma le faasoa i matafaioi a Mātua faatasi ma Leautuliilagi Taotua M. Sauvao.
Tatou faatali foi mo se lipoti o nei faasoa matagofie o le a feagai ma ia sui o le Komiti Faafoe a le SAASIA mo le motu i Saute aemaise le aai o togalaau o Kalaiesetete.
