Agalelei le Lavshe Couture mo le Asosi a tamaitai tuai a Paulo le VI i Kuiniselani

Na matuai sioa le auvalaaulia ma le aumaimoa i le lalelei o teuga a tausala na latou laeiina ma faalauiloa le tele o taumafaiga a le susuga ia Tito e pei ona lauiloa ai i le Lavashe Couture i Ausetalia.
O le afiafi o le Aso Faraile, 26 o Iulai sa faataunuuina ai lea faamoemoe. Na amataina i le feiloaiga ma faamasani foi uo ma ē masani ona ua fai si leva e lē o toe feiloai.
Pe tusa o le 7:45 ae nofoia loa nofoa ma faafeiloai mai e tausala lalalelei poo uso o le ausiva a le Jadda Dance Crew ma amataina ai i se tatalo e le susuga ia Rev Perelini Tauilo.
Na faagasolo le maimoaina o laei ma design eseese na faamamanuina lava e le susuga ia Tito. Sa maua se avanoa faaauro e saunoa ai le susuga ia Mark Furner, o ia o le Peresetene o le Brisbane Junior Rugby Union Luke Schoffler ma le failautusi o le Samoa Victim Support i Kuiniselani, faletua ia Eseta Frost.
O se po matagofie i le lagolago a uo ma aiga faapea le auvalaaulia. Sa faaiuina i le tauaaoina lea o ni matūpalapala mo malo faaaloalogia sa tauaaoina ai e le Lavashe Couture se siapo tele mo le susuga ia Perelini Tauilo, sosoo ai ma le agaga faafetai ma le siva Samoa mai le Peresetene ia Tala Nimo.
Sa momoli foi le faafetai o le Asosi i models, Gardenia Teo, Karien Semaia, Nicole Tusa, Monalisa Faoa Karene, Patricia Alo-Emile, Tamara Alo-Emile, Sophia Pilia‘e-Smith, Rachael Louise sa malaga mamao mai London ma le Miss Tourism Sophia Pilia‘e-Smith auā sa vaaia le foliga lalelei a o faatino o latou tiute. Sa momoli foi le faafetai i le tina ia Siimoa Lemana, Eseta Frost ma le VIPs Juanita Lia-Norris ma Jadda Dance.
Na faafetaia foi le Asosi a tama tuai o Sanele, ma le Asosi a tamaitai tuai a St Mary’s e pei ona auai atu Fonoti-Wall ma Foloi, Iulia, faapea hostess -Andrea Lusia Kolio aemaise le Lavashe Couture mo le avanoa faaauro ma le fesoasoani na tuuina ane.
O le komiti a tamaitai tuai a Paulo le VI e aofia ai le peresetene o Tala Nimo Forbes, Failautusi o Jayne Pilia‘e, ma le failautusi le faletua ia Tili Tauilo.
E talia e le asosi soo se tasi e fia fesootai atu mo nisi faamatalaga pe fia auai foi ma mafuta i le asosi, pe a valaau atu i le numera 0423 277 399 pe imeli i le
born2cast@gmail.com.