Agai taaloga Aukilani Samoa i Semi-finals ma Finals

E ui i se vaaiga louloua o le tau i le faaiuga o le vaiaso na se‘i mavae atu nei, ae sa lē avea lea ma auala e taofia ai le faataunuuina o taaloga o loo faagasolo pea i vaiaso taitasi. Talu ai o lea sa talimalo i le Au masii mai Samoa i lalo o le 12 tausaga le matutua i le Ipu a le Alii Palemia o Samoa, ma o se taamilosaga o loo atina‘eina ai le fanau laiti i lenei lava taaloga.

E ui lava la i ia avanoa o loo asia ai le Iuni Lakapi i Aukilani ae oloo faaauauina pea le taamilosaga o lenei tausaga ma foliga mai o lea ua lamalama taualugaina ia taaloga o le top four, semi-final, finals ma taualugaina loa lea taamilosaga.

Na asia e le tusitala taaloga ma molimauina ai le tulaga o loo tumutumu ai pea le malae i taaloga mai lea vaiaso i lea vaiaso. E tausaili se paka i lea nofoaga ona o le tumu i vaiaso taitasi, i tapuaiga a afioaga, faalapotopotoga, faapea kalapu lakapi o loo auai ai i lea taamilosaga.

Sa maopoopo le tapuaiga a Malisi o loo umia pea le talita o le taamilosaga ma sa vaaia le taupati mai o alii Felela, tama tuai o Malisi aemaise ai foi paaga masani a Malisi o loo tapuaia pea taualumaga a Malisi i le taamilosaga a Aukilani Samoa i lenei tausaga 2014.

Sa faapea foi i le tapuaiga a le kalapu a Nations na vaaia le malu i tamalii o loo vaaia ma faufautua i alii taaalo ia faatamalii ma ia pulea lelei i totonu o le malae i le taimi o le taaloga, faapea foi i kalapu uma i fautuaga ma apoapoaiga lelei ina ia lē toe tulai mai fevesiaiga ma faalavelave i le malae taaalo.

Ma o se tulaga siitia lea ua oo i ai taaaloga, o loo vaaia foi le lelei atoatoa i le faafoeina o taaloga e le Asosi o Laufali mai le Iuni Faatamā i Aukilani i tulafono o loo faagaioia ma malamalama lelei ai tama taaalo.

O nei auaunaga uma o loo auga uma ina ia maualuga le tulaga o lea taamilosaga, aemaise ai lava o le lumanai o lea taaaloga mo alo ma fanau a Samoa mo le lumanai ma faamanuiaga o loo ofoina mai ai.

O le faaiuga la o nisi o taaloga i le vaiaso na se‘i mavae:2014 Season 15s Rugby Tournament

Le tapuaiga a Nations na luia le talita

Se vaaiga i le Kalapu a Malisi o loo umia le talita