E mafua ona faatumulia se faatasiga a se aiga ona ua fusia i le alofa moni e faavae ai ni lagona fiafia ma le faafetai.
E ui ina lei auai mātua o le alii fai aso fanau o Malcolm Pati Wilmer i le faamanatuina o lona 18 tausaga i le Aso Toonai na tea nei, ona o loo aumau nei mātua i Niu Sila, ae na matagofie lea aso fiafia e pei ona feiloai ai aiga ma uo.
O Malcolm na soifua mai i le aso 20 o Mati 1994 i Tutuila Amerika Samoa, ae sa ola a‘e i Niu Sila.
O lona tamā o Malcolm Wilmer (palagi), a o lona tina o Valelia Laulu Wilmer e mai le alalafaga o Faala Palauli.
Na malaga mai ai si ona tamā ia Faifaimalie Amilale Laulu, ma si ona tina o Lusila Laulu mai Vailoa Faleata.
O loo mafuta Malcolm i le uso o lona tina ia Motiana Tuia ma le aiga, ona o aoaoga ma le sailiga manuia.
Na lototasi nai aiga i ona aunties, uncles, cousins uo ma paaga e faamanatuina lona 18 tausaga e ala i se taumafataga tele sa faia i le paka a Logan City.
Na auai le Peresiteine o le Aiga Samoa i Logan City, Mataafa Tareta Siakisini ma le faletua ia Anne, na faatasi ai foi ma si ona aunty mai Samoa le tina matua ia Nive Fouvale Laulu.
O loo taalo nei Malcolm i le taamilosaga lakapi Iuni i Logan i le Kalapu a le Logan Brothers. Manuia tele lou 18 tausaga mai ou aiga uma ma au uo, faapea Site ma Marlene Ah See & fanau, Nuu ma Motiana Tuia & fanau, Susana ma Lomiga Wilson & fanau ma le aiga Samoa i Logan City.
