Fetalanoai le toatele o tagata matamata i iuga o lea taaloga ma lea taaloga a o faagasolo pea le taamilosaga o le Super 15 i vaiaso taitasi.
Mai la i nisi o taaloga i le vaiaso lona sefulu o lea vaiaso o taaloga, na filifilia ai le alii taalo malosi o Malakai Fikitoa e avea ma tama taalo o le vaiaso i le laina i tua mai le kalapu a Highlanders.
O isi fesuiaiga e ono tulai mai e ono faamalolo ai le alii Kapeteni ia Jerome Kaino mo taaloga o le vaiaso nei e ui o se taaloga e matuai tatau ona malo ai le Blues. E mautinoa le iai o Jerome Kaino ona o le maualuga o pesene o loo ia maua i le tele o taaloga o le Super 15.
Ae o le taaloga lava i le va o le Chiefs ma Crusaders o le tasi lea o taaloga na matuai lē emo ai mata o le au atamamai i le tau fetuunaiga o le malosi o le alii ia Richie McCaw.
E tusa ai ma sailiiliga faapaseneina i gaoioiga i le taimi o le taaloga o loo atagia mai ai faamatalaga o loo iloa ai le agaigai i tua o le malosi o le alii taalo ia Richie McCaw.
O le alii o loo numera 7 nei i le Chiefs o loo maualuga pasene mai le taaloga lea na feiloai ai le Crusaders ma le Chiefs, ma o se tasi lea o vaaiga o lea ua ataata mai i le tele o taaloga ia ua mae‘a o loo iloa ai le malolosi o tama taaalo o loo iai i lea taimi i lea taimi, o loo faagasoloina pea taaloga ma o nisi nei o iuga mai le vaiaso talu ai.
