Ulimasao le aso taupoina a le Mafutaga Soofaatasi a Kuiniselani

O se taeao matagofie i le susulu manaia o le lā ma le agi mālū o le savili, e pei ona atofaina  e le Mafutaga Soofaatasi i le Aso Toonai, aso 2 o Aperila, e  faataunuuina ai taaloga masani o lenei  tausaga.

O le taamilosaga faifai pea e faatasi ona faia i le tausaga, e tuufaatasia ai Ekalesia e 4, Faasinoti Ekalesia Metotisi, Matagaluega EFKS, Pulega Katoliko, ma le Ekalesia Full Gospel e lei auai uma ae na o latou sui na faatasi atu.

O le iuga lenei o taaloga kirikiti
Siamupini Taaloga a Tamaitai:
Pool A     – EFKS SOUTH
Pool B     – EFKS NORTH
‘Ai silia     – Aroma EFKS SOUTH (21 ‘ai)
‘Olo silia     – Elisepa Tautiepa EFKS WEST
(9 ‘olo)
Sapo silia     – Serafi EFKS SOUTH (2 sapo)

Siamupini Taaloga a Alii
Pool A     – METOTISI A
Pool B     – EFKS SOUTH
‘Ai silia     – Rev Tapenaga Reupena
(25 ‘ai)
‘Olo silia     – Laufiso Sagato (12 ‘olo)
Sapo silia     – Pouniu (3 sapo)

Taaloga faapitoa tuufaatasi na manumalo ai le EFKS
Taaalo tausaafia, maopoopo, amio taupulea ma le taaalo faakeirisiano na maua e le ‘au a le autalavou uma a le Faasinoti Metotisi a Kuiniselani.

O le ‘au a tamaitai EFKS a South na siamupini ma maua le talita, ma le ‘au a alii siamupini, maua foi le talita Ekalesia Metotisi A.

E auauai mafutaga o i Kuiniselani i tausaga taitasi e tapenaina sisigafua, ma o le mafutaga lenei Soofaatasi o loo nafa ma le faapolokalameina o le tutoatasi o lenei tausaga 2011.

O lenei foi mafutaga o loo faauluulu i le Toeaina Faatonu o le EKFS i Kuinselani, le susuga ia Rev Kerita Reupena. O le Failautusi o Rev Sailiai Tumaai. O le Teutupe o Rev Pevise Leo faatasi ma le mamalu o le Komiti.
Ua iai le faamoemoe o le aso 15 o le masina nei o Aperila, i le ta o le 4 i le afiafi, o le a usuia ai le fonotaga a le Komiti a le Soofaatasi i le Hall a le susuga i le Toeaina ia Rev Tauaaga Mataafa, mo le faamautuina o polokalame e faasauni atu ai i le tapenaina o le Tutoatasi i le masina o Iuni.