Uli ma sao uluai tofiga Matagaluega EFKS Kuiniselani i Saute

Uluai Tofiga a le Matagaluega EFKS Kuiniselani i Saute
Uluai Tofiga a le Matagaluega EFKS Kuiniselani i Saute

O le uluai tofiga a le Matagaluega EFKS Kuiniselani ​i​ Saute​ ​o lenei tausaga, sa ​usuia i le Aso ​Toonai​. O le Taitaifono – Susuga i le toeaina Faatonu ia Rev ​Taua‘​aga Mataafa,  ​Sui Taitaifono – Rev ​Ionatana​ Faaiuaso​, Failautusi – ​Rev ​Perelini Tauilo, Teutupe – ​Rev ​Sabu Samoa.

E lua tofiga i le tausaga​, ​Fepuari & Iulai.

O le Aso Faraile sa faia​ ai le tofiga a le Autoeaina, ma le tofiga a le Aufaigaluega. ​a​‘o le ​Aso Toonai​, ​n​a faia ai le Tofiga Tele e auai uma tiakono, a’oa’o ma faifeau ma o latou faletua, faatasi ma usufono faalogologo tofia mai Aulotu taitasi.

Sa amata i le Tofiga a le Mafutaga a Tina i le 8​ i le taeao​, sosoo ai  ma le ​taumafataga tele – sa saunia e  le Uncle Sam​‘s​ Take away – faaiu lea i le Tofiga Tele. ​Na ta‘ape le Matagaluega, ​i le ​ 6:3​0 i le afiafi, ma ​o​​​ le faalevaleva ona mae‘a o le tofiga, auā sa talanoaina​ ma soalaupuleina​ fuafuaga ma le tapena​ atu ​i le​​ faaulufaleina  o le Fale o le Matagaluega o loo fau i totonu o le lotoā o le Kolisi Faafaifeau i Malua,​ lea o le faia​ i le aso 5 o Me​ 2016​.

O le ​a ​faamoemoe​ ​ e faaaogāina lea fale i le Fono Tele i le tausaga nei 2016​ pe a aulia atu i le soifua manuia​.​ Viia le Atua o loo manuia le faagasologa o fuafuaga fai a le Matagaluega EFKS a Kuiniselani Saute.​