Alfred Ngaro - Minister for Pacific Peoples

Alfred Ngaro – Minister for Pacific Peoples

Ua sauni nei foi fanau talavou uma i totonu o aoga maualuluga ma kolisi i Aukilani, mo le vaiaso faapitoa e faaalialia ai faafiafiaga ma isi tu masani e maitaulia ai atumotu eseese ole Pasefika, lea ua tuufaatasia uma i totonu o aoga i Aotearoa nei.

E pei ona masani ai i tausaga taitasi, ole ASB Polyfest lona 42 lenei ole a amata ile Aso Lulu, aso 15 o Mati seia oo ile Aso Toonai, aso 18 o Mati.

Ole nofoaga masani ile Manukau Sports Bowl, Te Irirangi Drive, Manukau, lea ole a faatulaga ai foi nei aso ole a lasi ai le maimoa ile faatinoga e fanau o siva, pese, lauga ma isi mamanu eseese faataisi ale Pasefika.

Ole ASB Polyfest o lenei tausaga 2017, oloo faatalitalia e silia ile 9,000 fanau aoga mai aoga maualuluga e 60 ile itulagi lenei o Aukilani, lea ole a faafiafia ai kulupu eseese e tusa ma le 220 le aofai.

E tusa e 6 fata faafiafia poo stages ole a saunia. Ole fata mo Cook Islands, Maori, Niue, Samoa, Tonga, ma le fata ole a faafiafia ai isi atunuu eseese e pei o Saina, Fiti, Tokelau, Initia, Korea ma Sri Lanka.

O faafiafiaga uma ma meafai i lea vaiaso faapitoa mo lenei tausaga, ole a faamatilatila ai le ‘au‘au: “Nurturing Leadership through Culture”.  O lenei matua poo le ‘au‘au sa faamatilatila ile tatalaina aloaia ole ASB Polyfest o lenei tausaga ile vaiaso talu ai, lea na saunoa ai nisi o failauga i lena afiafi ma latou molimau, o tomai na latou maua mai mea sa faatino i aso o Polyfest a o laiti, e telē se fesoasoani ile faatulagaina o o latou olaga ma tomai e pei ona avea ai oni taitai ile taimi nei.

Ose tasi o i latou na, ole alii Minisita mo Tagata Pasefika, Hon. Alfred Ngaro, sa ia ta‘ua taimi a‘o aoga ile Henderson High School, sa auai mai i Polyfest ma sa telē se uunaiga lelei na ia maua mai na taimi – ile tāua o lau aganuu ma lau gagana i lou olaga tuputupu a‘e.”

Ole faalaeiau a Ngaro i fanau aoga, ia naunau e “a‘oa‘oina le tele o mea lelei mai lau aganuu, auā ole a faateleina ai lou malamalama aemaise ole a e ola a‘e ua e mautinoa lelei poo ai oe ma lou faasinomaga.”

Ole a toe iai se faaopoopoga o lipoti o lena vaiaso a‘o faagasolo le polokalame faatulagaina. E $5 le tau ole pepa e ulufale ai i aso taitasi mo soo se tasi, ae ulufua fanauiti ile tausaga o Aoga Amata.

O aoga nei ole a faatinoina nisi o tiutefai ile ASB Polyfest o lenei tausaga 2017:

Kura Matua

TWWOA Maori Stage Nga Puna O Waiorea – Western Springs College

Kelston Girls College

Hoani Waititi Marae

Mana Kura

AUT University Cook Islands Stage Epsom Girls Grammar School

ACG Tertiary & Careers Diversity Stage Botany Downs Secondary College

MIT Niue Stage Wesley College

The University of Auckland Samoan Stage Mangere College

Massey University Tongan Stage Southern Cross Campus