Tumau pea le malosi o Malisi ile puipuia ole Talita

Aulakapi Malisi o loo latou umia le talita
Aulakapi Malisi o loo latou umia le talita

E lei faigofie ile ‘au malosi a Nonoa mai Saleimoa i Samoa ona osofaia pe faafetoai le malosi ole ‘au a Malisi ile puipuiina ole talita oloo latou umia.  Ole taaloga lenei na faafaigata ia Nonoa ona saili auala ile laina sikoa ile lapopoa o tino male saoasaoa o tama Malisi ile ‘afa muamua ole taaloga.

Ole 3 minute talu ona ili le faili ale laufali e amata ai le taaloga ile ‘afa muamua ae laasia ele uigi poo le numera 11 a Malisi le laina sikoa ma maua ai uluai ‘ai ole taaloga.

O nisi o ‘ai faaopoopo o Malisi sa maua lea i sikoa e tolu na maua ale numera 8 le alii o Tagaloa faatasi ai male sasao o kiki ile pou a le numera 10 faapea nisi o ana tama taalo na laasia foi le laina sikoa.

Na mae‘a le taaloga ma see atu ai o Malisi ile 67 ile 7 a Nonoa, e ui ile tino iti ole ‘au mai Samoa ae sa mafai lava ona latou laasia le laina sikoa a Malisi, ma ua lua ai nei o vaiaso talu ona umia e Malisi le talita ina ua latou se‘iina mai ile ‘au malosi a Apia Maroon lea sa latou taalo ile vaiaso muamua ole taamilosaga ole Aukilani Samoa, ma o se tasi foi lea o ‘au malosi ua leva ona taofiofia le talita ile tausaga ua mavae.

Ole vaiaso lona tolu lenei ole taamilosaga ma ua sauni atu nei Malisi e faafetoai le ‘au malosi ole Mountfort lea ua sauni e lui le talita.

Iuga o Taaloga ile vaiaso lona lua

Henderson Cars Pool A

Shield Game: Malisi 67 beat Nonoa Samoa 7

Sataoa 20 tutusa ma Iva 20

Apia Maroons 19 malo ia Mountfort 13

Laulii Lion 25 malo ia Aucklands Red 10

ACC Pool B

Nations 31 malo ia Nofoalii 15

Tama ole Moatoga 22 malo ia Moataa 7

Saleimoa 85 malo i Tama ole Lava 3

Laumua o Tumua 24 malo ia Faleula 13

Taaloga ole Aso Toonai, 10 Setema

12pm

Tama ole Moatoga vs Laumua o Tumua – malae 1

Sataoa vs Nonoa Samoa – malae 2

Laulii Liona vs Iva – malae 3

1.30pm

Nofoalii vs Faleula – malae 1

Apia Maroons vs Auckland – malae 2

Nations vs Saleimoa – malae 3

3.00pm

Talita- Malisi vs Mountfort – malae 1

Tama ole Lava vs Moataa – malae 2