Tulai le faiaoga i moliaga o le faaulugalii ma le teine o lana vasega

Ua tolopo atu i le aso 4 o Aukuso le mataupu faasaga i se alii faiaoga o se aoga maualuga i totonu o le talafatai o le taulaga, i tuua‘iga o le iai o so la va faaleulugalii ma se teine sa iai i lana vasega.

O le aso ananafi, Aso Gafua, 21 Iulai na tulai ai i luma o le faamasinoga lea alii faiaoga, lea ua faatea ma le aoga ona o le tuua‘iga e pei ona ta‘ua, ma ua toe tolopo atu ai le mataupu e faamae‘a suesuega a le ofisa o Leoleo. E lei faia foi se tali a lenei alii i le moliaga o lea lava e faagasolo.

Ua vavao solo le faatonusili o aoga, o le aoga e iai le teineitiiti lenei, atoa ai ma mātua ona o le tuua‘ia o faasalalauga ua agiga atu ai lenei mataupu.
O faamatalaga o le a agai e ave se tagi i leoleo i le faasalalau ai o lenei mataupu. O le aso ananafi na tolaulau ai le moliaga ma ua toe tuu atu ia mae‘a lelei suesuega.

O le taimi lenei ua faatea lenei alii ma le aoga i lona tofi faiaoga, ae o le teine aoga ua ta‘ua e lona tuaa ua aveese mai le aoga lea sa faapea ona aoga ma tulai mai ai lenei faafitauli. Ta‘ua e le tamā, o lana faaseā ona o le upu a nusipepa faapea ai le TVONE sa fai se faigauo a lona afafine ma le faiaoga.

Na ia ta‘ua o ia na faauluina le tagi ma o le moliaga na ia faaulu o le toso teine ona o lona afafine na ia ta‘ua na faamalosi, peitai o le moliaga tusitusia ua i luma o le faamasinoga, o le faia o se faigauo faaleulugalii (sexual connection) ma le teine aoga.