Samoa Cricket team

Samoa Cricket team

Ole vaiaso na tea nei na faataunuuina ai i Bendigo Ausetalia le taamilosaga kilikiti ale International Cricket Council ua ta‘ua ole East Asia Pacific Trophy.  E ono atunuu na auai e aofia ai Samoa, Iapani, Indonesia, Filipaina, Vanuatu ma Fiti.

Na malaga aloaia se tasi o faipisinisi lauiload i Brisbane le afioga ia Pei Niko Burgess ma si ona faletua ia Ruth ona e lē gata e fia lagolago ile ‘au atoa, aemaise si o la alo oloo taalo ai ile ‘au, le susuga Daniel Burgess.

Na o latou maitauina le mataalia o ‘au uma a nei atunuu ona ole nanau lava ile manumalo poo ai ole a ulufale atu ile Group maualuga o lenei lava taaloga ile lalolagi.
Ole ‘au a si o tatou atunuu e 11 tama taaalo mai Samoa.  Ole Kapeteni o Ben Mailata mai Aukilani Niu Sila ma le isi toalua o Sean Cotter ma Daniel Burgess mai Brisbane Ausetalia.

Ole alii faiaoga o Tim Carter mai Ausetalia ma le Team Manager o Tootoo Fritz Lee na aumaia le ‘au mai Samoa.

Na vaaia le solosolo lelei o taumafaiga a nai tama taaalo ina ua faaiuina le taaloga mulimuli a Samoa ile Aso Toonai na tea nei na manumalo ai i taaloga e tolu ia Iapani, Indonesia ma Filipaina ae faia‘ina i taaloga e lua ia Fiti ma Vanuatu.

Ole ‘au a Vanuatu na manumalo ile Ipu e leai se faia‘ina, sosoo ma Fiti e tasi le faia‘ina ae tutolu Samoa e lua faia‘ina tolu manumalo.

Ina ua faaiuina taualumaga o lenei taamilosaga ile afiafi ole Aso Toonai, na maua ai ele Alii Kapeteni a Samoa o Ben Mailata le faailoga ole tama taalo ole taamilosaga, po ole Player of the tournament ile tele o ona ai ma le tele foi o ana pe.

Faamoemoe pea ile S.I.C.A. (Samoa Crickets) ole a fesoasoani mo le atinae o lenei foi faagatama i Samoa.

Ole naunautaiga lava ina ia faaolaolaina pea lenei taaloga ole kirikiti, auā ose taaloga na tutupu a‘e lava ma iloa faatino e oo foi i tagata ua matutua o latou soifua, oloo iai lava lo latou naunau e taaalo pea i lenei taaloga.

E toatele nai aiga ma ē sa o latou opogi le taumafaiga a si a tatou ‘au na ta‘u ai foi le igoa ole atunuu.

Au a Samoa sa taaalo:

1 Sean Cotter (vice captain) – Kesington, Adelaide

2 Fred Sapatu – Bradaz Club

3 Daniel Burgess – Vallies

4 Solofuti Uatisonefalo – Bradaz Club

5 Pasi Kalosi – Vailele Club

6 SililaugaTaitoekaisala – Vailele Club

7 Pritchard Pritchard – Bradaz Club

8 Maletinomaiava – Bradaz Club

9 Ben Mailata (captain) – Waitakere

10 Tiafala Alatasi – Faleseela Club

11 Aleki Tiatia – Faleseela Club

12 Naamanu Vaasili – Bradaz Club

13 Jim Sao – Bradaz Club

14 Faafetaialealofa Vaaetasi – Spartan Club

Tootoo Fritz Lee – Team Manager

Tim Carter – Coach

Comments

comments