Toe sola foi Kuniyoshi Watanabe o Iapani ma le mua ole Savaii Marathon

Prudence Raine ma Kuniyoshi Watanabe – 1st ile Malafoni ma le tuuga mamao a Savaii
Prudence Raine ma Kuniyoshi Watanabe – 1st ile Malafoni ma le tuuga mamao a Savaii

E lua matati’a fou na maua ile Savaii Marathon ile Aso Toonai ua tea nei ole matati’a fou a alii ma le matati’a fou a tamaitai. Ole taimi muamua lenei ua iai se sui o tamaitai ile tuuga mamao, ole tamaitai lea o Prudence Raine o Ausetalia. O ia foi lea ua faaee ai le matati’a fou a teine. Ae ole alii o Kuniyoshi Watanabe na mua ile tuuga a alii ile matati’a fou 3:09:11.

Na manaia tauvaga ole Savaii Marathon ile Aso Toonai ile motu tele i Salafai. Ole tuuga mamao na amata i Saleaula ae tini i Salelologa na tauva ai le toalima. Ae ole tuuga a alii Iapani e toalua e tutusa le saoasaoa na mataina ile manaia ole tamoega.

Ae o Kuniyoshi Watanabe o Iapani na mua ile taimi fou 3:09:11, ole matati’a fou lea ole tuuga. Ole faalua ai foi lea ona manumalo Watanabe, o ia na manumalo ile malafoni ile 2017 ae o lea ua toe malo foi. Na taumate ole a mua Miwa Yoshikazu ae ole taimi muamua lea ua tauva ai Miwa ile vevela o Samoa.

Mai le amataga ole tuuga ile 4.30am ile vaveao, na tauva ai Watanabe ma Yoshikazu. Na tamomoe faatasi i laua seia oo i Pu’apu’a ae o Yoshikazu na muamua i taimi uma. E lei mamao le va o alii nei e toalua i taimi uma. E ui e saoasaoa atu le taimi o malafoni a Yoshikazu ae ua masani Watanabe e tamoe ile tau vevela.

Na oo atu loa i Faga amata loa ona motu atu i luma Watanabe, ole taimi foi lea ua oso le la ma susulu sa’o i mata ole autamomoe ma amata fai ifo ai i lalo le saoasaoa o Miwa Yoshikazu.

Na tini le vaega lea i Salelologa e lei amatalia isi tuuga pupuu e iai le 4km ma le 6km. O Wataru Yamasaki na tu tolu, ae tu fa Daryl Baker o Ausetalia.

Prudence Raine ma Kuniyoshi Watanabe – 1st ile Malafoni ma le tuuga mamao a Savaii
Prudence Raine ma Kuniyoshi Watanabe – 1st ile Malafoni ma le tuuga mamao a Savaii

Ile tuuga a tamaitai e na’o le toatasi le teine na tamoe ai, o Pru Raine o Ausetalia. O ia foi na mauaina le pine muamua o tamaitai ile malafoni i Savaii lava. Ole tolu ai lea o tuuga ae ole taimi muamua lea ua iai se sui o tamaitai ile tuuga mamao. Ole taimi a Pru e 5:49:30.

Ole Half Marathon na mua ai foi le isi alii Iapani o Hiroaki Matsukawa ile taimi 1:44:22. O lona taimi muamua lea i Samoa. Ae ole tamaitai o Chiaki Sakakibara na mua ile afa malafoni a tamaitai ile taimi 1:57:54.

Ole 10km na mua ai le alii Peretania o Ash Bowe (49:21) ile tuuga a alii, ae mua Kat Riley o Ausetalia ile tuuga a tamaitai (1:07:20).

Ole toatele lava o tagata tamomoe i tuuga mamao e iai le malafoni, Afa malafoni ma le 10km na tauva iai tagata mai fafo. E na’o John Ioane ole kamupani ale SSAB na tauva ile 10km mai Savaii ma Upolu

Ole 4km ma le 6km e toatele na auai mai iai le autamomoe a Savaii. Faatasi ai ma nisi ole Matagaluega ole Samoa Cancer Society na tamomoe ma savavali auā le tautuaina o sailiga tupe ale matagaluega.

Marathon 42.2kms (Amata i Saleaula)

Kuniyoshi Watanabe 3:09:11

Miwa Yoshikazu 3:13:12

Wataru Yamasaki 4:42:01

Daryl Baker 5:25:30

Prudence Raine (F) 5:49:30

Half Marathon (Amata i Pu’apu’a)

Hiroaki Matsukawa 1:44:22

Hiroaki Negishi 1:47:00

Chiaki Sakakibara 1:57:54

Suzuka Kaneshiro 1:59:40

Yuka Ooyama 2:48:58

10km (Amata i Fogapoa)

Ash Bowe 49:21

Takeshi Matsumura 1:04:01

Ty Feekings 1:04:53

Kat Riley 1:07:20

Tatsuaki Hashimoto 1:14:32

Fumika Aga 1:21:58

Yuka Nozawa 1:33:42

John Ioane 1:23:14

6km (Amata i Lalomalava)

Saia Kalani Day, 33:21

Tapu Poua 43:42

Ieremia Ane 43:43

Faaopopo Le’ena 43:44

4km (Amata i Salelavalu)

Misiuaita Faamoetauloa 15:32

Richard Hoad 15:41

Jessica Sanders 17:32

Matatumua Filipo Saena 25:00

Leilani Jackson 35:00

Maurice Jackson 35:00

Luzaria Vaai 37:15

Sautatia Vaai 37:15