Toe palotaina tofi ole QLD Samoa Netball Inc

Uluai peresetene LH Geoge Tupuola ma Ranandy Stanley ma le komiti fou ina ua mae‘a le filifiliga o tofi ale QLD Samoa Netball Inc 2017 - Photo: Ranandy Stanley
Uluai peresetene LH Geoge Tupuola ma Ranandy Stanley ma le komiti fou ina ua mae‘a le filifiliga o tofi ale QLD Samoa Netball Inc 2017 – Photo: Ranandy Stanley

E eseese uma tupuaga o tagata ini faalapotopotoga e faapena foi ona fesuiai tofi pe taitasi, tailua pe taitolu foi tausaga ma suia laulau a fono.

Ose aso na tāua na faamauina ma tusitusia le aso 19 o Mati, lea na auai nisi o sui resitara, teine taaalo faapea mātua, o latou ia na palotaina le laulauafono ale QLD Samoa Netball Inc, ile suiga tofi lea sa faataunuuina ile Hope Centre i Slacks Creek.

Ua maoae foi le toatele o tupulaga tamaitai ua lolofi atu e fia pipii ma miō faatasi i lenei faalapotopotoga, ose faagatama e le gata ole faaailoa atili o a latou taleni, feiloai atu i nisi tamaitai ole Pasefika, ae sili ai le nanau e tuli se ‘ai mo aiga ma le atunuu mo nei ma a taeao auā ua lealea i talafaasolopito le faatupulaia o alo Pasefika ua faamanuiaina i taaloga aemaise foi le netipolo.

Na faavae ma faatuina mai lenei Asosi ale QLD Samoa Netball Inc ile tausaga e 2014. Ile uluai amataina na tauave mai le sā ole tofi Peresente ele afioga ia Faasuamaleaui George Tupuola ile 2014, ona faaauau mai lea ele tamaitai o Ranandy Stanley ile 2015 & 2016 faatasi ma le lagolago malosi ale komiti. Ua faasee tuāgalu ma ua alagatatau foi ona toe palotaina tofi o lenei tausaga lea ua mae‘a filifilia ma pasiaina. Sa lei faigofie le filifiligā tofi sa feagai ai ma Cecilia & Bruno Samuela mai le Enuamanu Queensland sa avea ma malo faaaloalogia & Scrutineers. Ose galuega fitā ma le faigata ile taimi na savalia mai ai ile amataga ae ole agaga faafetai ile Atua ona ua tino mai lenei faamoemoe ma oloo maitauina lava le galulue faatasi o i latou aemaise le faafiafiaina ole tele o alo ma fanau tamaitai oloo tausiniō i lenei taaloga ole netipolo.

Ole Laulauafono fou ale QLD Samoa Netball Inc 2017 ua filifilia iai le Peresetene: Faalele Reekers; Failautusi: Vania Gentles; Teutupe: Mera Letalu.

E 12 atunuu ole Pasefika oloo tauva e aofia ai Apolosini. Ole 2014 e 10 ‘au a Samoa ma oloo faatuputupulaia pea e ova atu ile selau (100) tamaitai taaalo. Ole tausaga e 2016 na manumalo ai Samoa (team a Upolu) ile U13 ile talita, ose ‘au mataalia tele ma le taaalo lelei.

Ole asosi a Cook Island o latou foi e faauluulu iai le Challenge of the Nations – Netball lea e faatautaia le taamilosaga tele i lenei tausaga. Ana lē seanoa Ieova e le laasia le tausaga lona tolu lenei ae oloo solosolo lelei ma manuia mea uma.