Na lei toe faatali le pulega a le Blues i le iloiloina o ona manu‘a ina ua mae‘a le taaloga i le aoauli o le Aso Sa. O se vaaiga ina ua mae‘a le taaloga o sili pea ‘ai o le Bulls, saunoa le alii Faiaoga-Ulu masalo o le taaloga pito i pa‘ū lea i taaloga o lenei tausaga pe a fua i le talitonuga i tama taaalo ua filifilia mo lenei taamilosaga.
O se taaloga e taumua tutusa lelei ai le Bulls faatasi ai ma le Blues ae na eseese mulimuli ina ua mae‘a le taaloga ua faaeaina le Bulls ma vave ona toe togafiti vave nai ona ia manu‘aga mai isi taaloga ua mae‘a.
O le manumalo o le Blues i le Hurricanes ma le Crusaders na talitonu nisi ua see le Blues, peitai ane na saunoa Kirwan, “Masalo o le toatele poo le au atoa lava e lei atoatoa ona selau pasene lelei le faatinoina o le taaloga i vaega uma aemaise ai lava tulaga pei ona tapena i ai ina ia faatoilaloina le Bulls.”
E lē toe fesiligia fua le agavaa o tama ua filifilia, faaalia foi e le alii kapeteni ia Ali Williams le tulaga faigata na iai le taaloga e ese mai i uluai taaloga e lua. Na ta‘ua e Kirwan masalo o le vaega na matuā faigata ai le taaloga ona o le leai o se naunautaiga e finau malosi ina ia malo, faatasi ai ma le malosi i tapenaga i vaega sa nofo sauniuni agai i ai i taaloga taitasi.
Atonu ua aogā le faaiuga o le taaloga i le Blues ua iloiloina lelei ai vaega o le taaloga e faamautuina ai le agaigai i luma o le Blues i lenei tausaga. E silia ma le 25,000 i latou sa maimoaina lenei taaloga e ui lava ina pei e feoti le tapuaiga a le Blues ina ua manumalo ai le Bulls.
Na faaalia le fiafia o le tapuaiga a le Blues i lea taaloga ma le faamoemoega tele atonu e faaauauina pea le tulaga malosi o le Blues, ae sa‘o ai le toeaina Samoa ‘e lē o se ta lava ma se lavea’. E manatu le tusitala ua talafeagai le malolo o le Blues i lenei vaiaso, ina ne‘i leai se taaloga e toe fonofono ai ni faatamala, faaletonu, ma vave toe siitia ai i luga le finafinau taalo i isi taaloga o loo foufou mai i lenei taamilosga.
Mai le vaiaso lona fā o le taamilosaga e filifilia ai le tomai o nisi nei o ‘au i le mataina o le faatinoga o le taaloga i le vaiaso lona fā muamua, le Cheetahs, lua Stormers, tolu Hurricanes, fā Brumbies.
Taaloga i le Vaiaso Nei
Aso Faraile
Hurricanes vs Highlanders 7.35pm
Warratahs vs Cheetahs 9.40pm
Aso Toonai
Kings vs Chiefs 6.10am
Crusaders vs Bulls 7.35pm
Reds vs Force 9.40pm
Aso Sa
Sharks vs Brumbies 4.05am
Byes:…Blues, Rebels, Stormers.
