O lea ua faalauiloa mai i le faaiuga o le vaiaso na tea nei le ‘au aloaia a le All Blacks ua sauni atu nei mo le puipuiga o le latou Siamupini i le Ipu a le Lalolagi o le Lakapi 2015. Ma e toavalu alo o Samoa o loo aofia ai i le ‘au ua filifilia.
‘Au a le All Blacks mo le Ipu a le Lalolagi 2015:
(faatasi ma o latou itumalo ma taaloga faitaulia na taaalo ai)
FORWARDS
Hookers
Dane Coles (Wellington, 30 Tests)
Keven Mealamu (Auckland, 126 Tests)
Codie Taylor (Canterbury, 3 Tests)
Props
Wyatt Crockett (Canterbury, 40 Tests)
Charlie Faumuina (Auckland, 27 Tests)
Ben Franks (Hawke’s Bay, 43 Tests)
Owen Franks (Canterbury, 72 Tests)
Tony Woodcock (North Harbour, 115 Tests)
Locks
Brodie Retallick (Bay of Plenty, 41 Tests)
Luke Romano (Canterbury, 20 Tests)
Samuel Whitelock (Canterbury, 66 Tests)
Loose Forwards
Sam Cane (Bay of Plenty, 24 Tests)
Jerome Kaino (Auckland, 60 Tests)
Richie McCaw, captain (Canterbury, 142 Tests)
Liam Messam (Waikato, 42 Tests)
Kieran Read (Canterbury, 77 Tests)
Victor Vito (Wellington, 28 Tests)
BACKS
Halfbacks
Tawera Kerr-Barlow (Waikato, 15 Tests)
TJ Perenara (Wellington, 15 Tests)
Aaron Smith (Manawatu, 41 Tests)
First Five-Eighths
Beauden Barrett (Taranaki, 30 Tests)
Daniel Carter (Canterbury, 106 Tests)
Colin Slade (Canterbury, 20 Tests)
Midfielders
Malakai Fekitoa (Auckland, 11 Tests)
Maa Nonu (Wellington, 97 Tests)
Conrad Smith (Wellington, 88 Tests)
Sonny Bill Williams (Counties Manukau, 26 Tests)
Outside Backs
Nehe Milner-Skudder (Manawatu, 2 Tests)
Waisake Naholo (Taranaki, 1 Test)
Julian Savea (Wellington, 35 Tests)
Ben Smith (Otago, 41 Tests)
O le susuga Richie McCaw o le a kapeteniina le ‘au, lea ua iai le to‘a 17 o i latou mo le pito i luma (forwards) ma le to‘a 14 o le pito i tua (backs), ae o le vaevaeina taitasi nei o tulaga: toatolu hookers, toalima props, toatolu locks, toaono loose forwards, toatolu halfbacks, toatolu first five-eighths, toafā midfielders ma le toafā o outside backs. E to‘a 17 o i latou i lenei ‘au, o le uluai taimi lenei o le a latou auai atu ai mo le taamiloasga o le Ipu a le Lalolagi o le a faataunuuina i Egelani.
Sa momoli le faamalo a le alii faiaoga ulu o le All Blacks, Afioga Tupuivao Steve Hansen, ia i latou uma ua filifilia i lenei au, ma sa ia saunoa, o se faaaloaloga maualuga le mauaina o se avanoa e taaalo ai i lenei ‘au mo lenei taamilosaga tāua. Ma e mautinoa foi le matuā faafiafiaina o aiga o tama ua filifilia.
Na tautino Hansen, e lē faigofie le faiga o lenei filifiliga, aemaise foi le lagona o le alofa i nai alii ua lē aofia i lenei filifiliga o le ‘au aemaise foi o nai o latou aiga sa taputapuai mai, ae sa taumafai pea le pulega aemaise i latou na faia le filifiliga faaiu, ina ia mutinoa ua latou faia se filifiliga ua pito sili ona lelei mo le faapaleniina o le ‘au atoa.
Saunoa Hansen, e iai lona faamoemoe mo nai alii ua lē filifilia i le ‘au mo lenei taamilosaga, o le a lē muta ai iinei lo latou fia taaalo mo le All Blacks, auā e leiloa lava foi mea tutupu, ina ne‘i toatele nisi e manunu‘a i nisi taaloga a o lei faaiuina le taamilosaga, ma e ono toe manaomia mai ai nisi o i latou e suitulaga atu, e pei foi ona iai le taamilosaga faapea ua mavae atu. Ma o avanoa na e ono toe valaauina mai ai i latou ua lē o filifilia i le taimi muamua lenei.
E tolu aso o le vaiaso lenei o le a tolauapi faatasi ai le All Blacks i Ueligitone, a o lei amata ona malaga taamilo le ‘au atoa i vaega eseese o le atunuu e amata i le Aso Tofi, 3 Setema mo le faatalofa atu ma le faamanuia mai a le atunuu atoa, aemaise o le fia feiloai mai o pitonuu eseese i tama taaalo, lea o le a iai le Long Bay ma Papakura i Aukilani, New Plymouth, Greytown, Whakatane, Gisborne, Westport, Stoke, Dunedin ma Mataura.
O le Aso Gafua, 7 Setema o le a tolauapi faatasi le ‘au i Aukilani mo aso e tolu, a o lei malaga ese atu loa mo Egelani i le Aso Tofi, 10 Setema. O le avanoa foi lena mo le mamalu o le atunuu e faatofa atu ai i lana ‘au i taimi o le a faagasolo ai a latou toleniga i le Waitakere’s Trusts Stadium i le Aso Lulu, 9 Setema.
O taaloga nei a le All Blacks i le latou Pool mo le Ipu a le Lalolagi 2015
1. Argentina (4.45pm, Aso Sa 20 Setema, Wembley Stadium, London)
2. Namibia (8.00pm, Aso Tofi 24 Setema, Olympic Stadium, London)
3. Georgia (8.00pm, Aso Faraile 2 Oketopa, Millennium Stadium, Cardiff)
4. Tonga (8.00pm, Aso Faraile 9 Oketopa, St James’ Park, Newcastle)
