E matuā maoae le tuuga Uila faaletausaga a Samoa, lea ua manumalo ai Tim Robertson o Melepone. Ole siamupini ole 2014 male 2015, Christian Wengler o Kalaiesetete, na pa‘ū ile aso fā ole tuuga i Asau, ma faauma ai ma lona taumafai. E lei tietie ile aso mulimuli.
Ina ua lē mafai e Wengler ona toe faaauauina le tuuga, na maua ai loa le avanoa o Tim e manumalo ai. O Robertson ma Wengler na tauva mai lava i le amataga. Ole aso muamua mai Apia i Maninoa, e 100 kilomita le mamao, na tulua ai Robertson. Ole aso lona lua Maninoa i Manase, 95 kilomita, na faapea ona tulua ai foi Robertson. E matuā saoasaoa tele le alu ale Siamani mai Kalaiesetete, ona o lona naunau tele e toe foi male Ipu.
Peitai, ile Time Trials mai Manase i Asau, 37 kilomita, na so‘a ai ele taavale i Asau le siamupini, a‘o toe mita tini Wengler ile faletalimalo i Vaimoana Resort.
Oloo fai nei suesuega a leoleo i lea faalavelave. Na ave ile falemai Wengler ma tea ai lava i lea aso, ua toe foi o ia i Niu Sila i togafitiga a fomai faapitoa. E ui i lea, oloo folafola le toe foi mai o Wengler ile tausaga fou.
Ile taamilosaga mulimuli, le 100 kilomita mai Asau i Faga, Faasaleleaga, na tulua ai Robertson ile tasi sekone. O Dave Chaplin mai Tasmania na mua ile 100 kilomita lea, ae e lei lava lona taimi e maua ai Wengler ma isi i luma atu o ia.
O Pine ole taaloga na auro ai Tim Robertson, tulua Andrew Price o Ueligitone, ae tutolu Mike McKay o Ueligitone lava. Ile tuuga a tamaitai, na mua ai Rebecca Marley o Kalaiesetete, tulua Anna Dungey ole aai lava lea, ae tutolu Debs Paranihi o Ueligitone. E 30 le aofai ole autietie ile taaloga lea ale Samoa Events. Ole siamupini fou e iai lona sootaga ile atunuu, ole alii o lona faletua o Ailao Robertson (nee Malaga) mai Falefa. Ole la alo o Sanonu Robertson, lea na taalo Netipolo mo Samoa.
