Matauina le alualu i luma o tomai o fanau aoga i le itu tau musika i pesega, e pei ona sa faagasolo ai se tausinioga i le va o Kolisi maualuluga i totonu lava o Niu Sila, lea sa faatumulia ai le TelstraClear i Manukau i le Aso Lua ma le Aso Lulu, aso 15 & 16 o Setema 2009. O le igoa o lenei tauvaga, Barber Shop Choir and Quartet Competition.
O nei pesega sa taulai i le vaega o aufaipese tuufaatasi (choir) ma aufaipese taitoafa (quartet).
O le Aso Lua, aso 15 Setema, na faagasolo ai le tauvaga o aufaipese taitoafa, ae o le Aso Lulu, aso 16 Setema, o le tauvaga o aufaipese toatele. Na auai kolisi mai Aukilani, Ueligitone, Kalaiesetete, Dunedin, Hastings, Hemilitone ma isi vaega o le atunuu.
E fa aoga na latou ausia tulaga e fa pito i luga, i le vaega o alii ma tamaitai.
Sa vaaia foi i iuga na taunuu i ai le tausinioga, le malosi mai o le tomai tau musika i kolisi i le laumua, aua sa mātele i kolisi mai Ueligitone na aveina faailoga pito i luga i vaega o le Young Men in Harmony ma le Young Women in Harmony.
O kolisi mai le Laumua i Ueligitone sa fai ma o latou sui kolisi nei – Queen Margaret’s College, Taita College, Tawa College, Aotea College, Bishop Viard College, St Catherine’s College, St Patrick’s College Silverstream, ma St Patrick’s College, Kilbirnie.
O iuga nei o lea tauvaga
Aufaipese Taitoafa (Quartet) a Tamaitai
1st (auro) Aotea College (Ueligitone)
2nd (siliva) Hastings Girls College
3rd (apamemea) Hastings Girls College
Aufaipese Taitoafa (Quartet) a Alii:
1st Rangitoto College (Aukilani)
2nd Aorere College (Aukilani)
3rd Aotea College (Ueligitone)
Aufaipese Toatele a Alii (Choruses)
1st (auro) Rangitoto College (Aukilani)
2nd (siliva) St Patrick’s College, Kilbirnie, (Ueligitone)
3rd (apamemea) Tawa College (Ueligitone)
Aufaipese Toatele a Tamaitai (Choruse)
1st (auro) Queen Margaret’s College (Ueligitone)
2nd (siliva) Aotea’s College (Ueligitone)
3rd (apamemea) Tawa College (Ueligitone)
