Tauvaga ole Aso Sa o Tamā ale Radio Samoa

David Tua ma nisi o tama sa faamanuiaina ile tauvaga
David Tua ma nisi o tama sa faamanuiaina ile tauvaga

E lua vaiaso na faailoa ai le polokalame mo tamā uma e fia auai ile tauvaga ale leitio Samoa 1593am faatasi ai male nusipepa ole Samoa Times ile vaiaso mulimuli ole faaiuga o Aokuso male vaiaso muamua o Setema a‘o loma ai le Aso Sa o Tamā.

O lenei famoemoe sa tatala ai le avanoa i tamā e pue ai sona ata i soo se taaloga oloo ia faia ae oloo valaau iai lana fanau o ia ole Siamupini, ona tuu lea i luga ole facebook page ale Radio Samoa ma silasila iai le pulega ma agai iai le faiga filifiliga poo ai le tamā e pito sili ona lelei lona faatinoina ole taaloga.

E eseese taaloga sa agai iai tamā ile faatinoina e pei ole piliaki, lakapi, karate, male tele o isi taaloga ma e 12 tamā sa auai. E ese foi le agamalie male finau o tamā i lenei polokalame ma ua maua ai foi le avanoa e faailoa ai le taleni male meaalofa oloo i tamā, auā o tamā e taulamua ma taiulu i soo se mea e fai i totonu o aiga.

Tulaga ma Faailoga

Suluape A Lo Tam manumalo ile laulau piliaki

Peseta Falemai Lafaialii – laulau Ping Pong

Vili Faatafe – Full Services

Paulo Malae – Car Valet

Gene Ioane – Dinner Voucher

Tamaloto Vagavao Talopau – Dinner Voucher

Huro Tupai – Meat pack Voucher

Taape Sauileone – Meat pack Voucher

O nisi o tamā e lei maua ni a latou faailoga ae e maua le avanoa e koleni faatasi ai ma le afioga ia Tooletai David Tua i lana fale koleni faatasi ai mase taumafataga.

Ole taeao ole Aso Tofi ua mavae, aso 8 o Setema na maua ai loa le feiloaiga ale susuga ia Toaletai David Tua ma tamā nei, ma ose fiafiaga tele i nei tamā ina ua maua le avanoa e feiloai ai ma lea taamalii ole atunuu auā e iai nisi o i latou e lei feiloai muamua iai.

Ile maua o lea avanoa mo tamā na tautino ai nisi o tamā oi latou sa auai muamua ile taaloga lenei ole fusu ae ua omai i lenei atunuu ua ese foi le suiga male mea ua agai iai le aiga.

Ua tago atu foi i meafaipele ua lē o toe tutusa aso la ma aso nei, ae ose luitau male faamalosi i lea koleniga, e toe faamalosia ai i latou e tatau ona o e tu‘i le polotu‘i ma fai le famalositino. Na mae‘a le koleniga ona faiu lea ile taumafataga e faasoa ai ma fesilisili ai tama ile afioga ia Toaletai e uiga ile tāua ole taaloga lea ole faipele.

Ole lagona ole susuga ia David Tua na fofola i lea aso i tamā, ole a fuafua e faia se polokalame mo tamā ma tina male aiga e oatu faatasi e koleni i lona fale koleni ina ia maua faatasi e tagata uma le malosi male soifua maloloina lelei ma mafuta faatasi.