O le Aso Lua o le vaiaso nei, aso 15 Mati o le a amata faatauina atu ai i tua mo le taimi muamua le vaega lua o le ata tifaga o le Tautoga Gausia. Ua faaautuina i le Faamagaloga – Forgiveness.
O lenei ata tifaga na pueina lava i totonu o Samoa, faatinoina e tagata Samoa, faatasi ai ma le faaaogāina o le gagana Samoa. Ua faamaonia mai e se tasi o Faatonu Sili o le South Seas Pictures i Samoa, Taufau Faatafa Faumuina Aukuso, le mae‘a ai o le tapenaina o le vaega lua o le Tautoga Gausia, mo le maimoaina e le atunuu ma le lautele.
Na iai le faamoemoe o le masina o Fepuari o le tausaga nei e faatau atu ai i tua lenei ata peitai, ona o le tulaga louloua o le tau i Samoa i tafega ma matagi e pei ona silafia na aafia ma lapataia ai Samoa, o le mafuaaga lea.
Peitai, na faaalia le agaga faafetai tele o le pulega a le South Seas Pictures i Samoa, ona o le lava papale o le mamalu lautele o le atunuu, auā e lē taupuleina e se isi le tulaga o le tau, aemaise lava o taimi masani ia e louloua ai le tau i Samoa.
E lē o se galuega na faigofie, o se galuega e faigata tele lona tuufaatasia, peitai e lei ‘alo i le ata o le niu le Pulega, ina ia tausisi pea i lana sini autū, o le gaosia lea o ata tifaga Samoa mo o tatou lava tagata, aemaise o ni avanoa e maua ai nai galuega mo nisi o le fanau o loo iai nei taleni, peitai e lē o maua ni galuega i Samoa.
O le vaega muamua o lenei ata e pei ona mae‘a ona maimoa i ai le toatele o le atunuu, na iloatino ai le leva ona faatali o o tatou tagata Samoa i ni ata tifaga ua mafai lava ona faia e o tatou tagata, aemaise o le faaaogāina o le tatou lava gagana, e pei o ata Filipino, Initia ma nisi, ua tele ina maimoa ai tagata Samoa.
E talitonu ua matuai toatele lava i latou o loo faatali nei i le sosooina o lenei ata, e tali ai le tele o le mau fesili a le au maimoa.
E pei lava o le tele o ata tifaga o loo iai nei, e faia lava e le tagata maimoa lana faaiuga i le vaega e oo i ai le ata tusa lava pe lei mae‘a ona maimoa i ai, ae a oti le tama poo le teine e autū i ai le ata ona ita lea, ae a iai foi se vaega o le ata e manao e tuu i le mea la e manao i ai lana matamata, e faapea foi.
O se tulaga e masani ai le au maimoa, e pei foi la ona faia i le mae‘a ona maimoaina e tagata o le vaega muamua o le Tautoga Gausia. E ui i lea, na faailoa mai e le Pulega, o finagalo faaalia, o le finagalo lava lea o le tagata lava ia peitai, e faaaogā lava na o le finagalo e talitonu e maua ai se alu alu i luma o le kamupani i ana taumafaiga, ae o le fili ma le pola motu i tua, o le a lē faaaogāina ma maimau ai fua le taimi.
E pei ona silafia o le uluai kamupani pueata tifaga lenei a Samoa ua lesitalaina faatulafono i Samoa, ma ua lagolagoina e le Malo Samoa lenei taumafaiga, lea foi e pei ona foai ai se tinoitupe e tusa ma le $50,000 tala, e fesoasoani i lenei tapenaga tele. E talitonu o se vaiaso pisi lenei mo le Samoa Video Centre i Otahuhu auā le faatauina atu o le Tautoga Gausia i lona vaega lua.
O loo agai pea i luma taumafaiga a le South Seas Pictures i Samoa, o le Aso Tofi o le vaiaso ua mavae na amata faasalalau ai avanoa mo le isi foi ata tifaga fou a le kamupani, i nisi o le a faatinoina, e pei foi o le Tautoga Gausia.
O lenei ata ua faataatia ma tapena o se ata faasolo, ma e tusa i le 10 ni vaega eseese o le a amata pueina ai i le masina fou i Samoa.
Na faailoa le agaga faafetai tele o le tofa ia Tanupo Fiu Fogalevai Aukuso ma le tausi ia Taufau, o i laua ia o loo faauluulu i ai le kamupani pueata a le South Seas Pictures i Samoa, ona o le tele o le lagolagosua i Samoa, e lē gata i kamupani, ae faapea foi i le Malo ma le lautele.
O le faafetai faapitoa i le SamoaTel, Le Fiafia Accomodations, Apia Rentals, Tanu Beach Fales aemaise le Malo o Samoa, o i latou ia o Major Sponsors faapea nisi o kamupani lagolago o le a faailoaina i luga o le ata, i le fesoasoani malosi i le tapenaina o le Tautoga Gausia – Vaega Lua.
A o tapena atu ai nei le South Seas Pictures mo le faalauiloaina o le Broken Promise Part 2, ae ua tapena ai foi le Matagaluega o Leoleo i Samoa i ni tusi saisai mo nisi o faleoloa i Upolu ma Savaii faapea Fale hire video ma tagata taitasi, lea ua faamaonia le faia faagaoi o kopi ma le faatau faagaoi o le vaega muamua o le Tautoga Gausia.
E lē gata i lea, e faapea foi i atunuu i fafo lea e matuai sili atu le tele o kopi na faia faagaoi ai i totonu o Ausetalia, Amerika ma Amerika Samoa, ma o le a matuai mataituina e nisi ua atofaina faapitoa e le kamupani ina ia molia i le tulafono, e aofia ai ma Niu Sila nei.
Talu ai e lē faigofie nei tapenaga, ma o le a faatauina atu ai lenei ata i le $35 tala i Niu Sila.
Man this movie is a bit of a cry me a river ahh. Man bit mixed up with sequences but honestly a good movie. Its what us Samoans see all the time in our everyday life especially for us teine Samoas. May it be a teaching to the parents not only that help parents have an open door policy for us Samoan children. Also its time that us who are in mid 20’s who are still living under the orders of our parents to show our parents that we have the right to have a say. Not only that alot of the time our parents tent to make decisions for us when it comes to relationships you know coz at the end of the day it’s not the parents who are dating it is us.
O le viiga faafoi ile Atua manumalo,ona ole poto male atamai ua ia foai ia te outou aua le pueina o lenei ata tifaga,tele aoaoga lelei ae sili ia te au lau gagana samoa e pele lou loto,e aoao inaai faasamoa alau fanau faapea ai male aganuu faasamoa aua e ui ina ola ma fananau inei atunuu ae o matou Full Samoa/auliuli,fiafia tele lau fanau e matamata ai i le part 2 ile esi male lalelei ole atunuu na ou fanau ai,aemaise ai o faiga miti asi aoao haha…Faafetai tele lava ma ia faamanuia le Atua ia te outou Soifua ma ia Manuia.
Par 2 has shifted a tad bit away from the plot for my liking..still good and like any other serial all is compared to the first part. The only entertainment was the lay preacher and his sidekick(oops i mean tulafale)..I would have liked to see what happened to him and this tongan girl..i guess all good things come to those who wait..lol..boy hes been patient..should’ve killed off Filemogi in the beginning, shouldve made him go fishing with Meki..sei’i dive & die aku ai lol. All in all it was good, couldve been better..i’ll give it a 5..
O le faamalo i e ua tatau iai. Manaia tele taumafai a nei tama fanau a Samoa ua laasia ai foi lenei matati’a sa le iai muamua. Manaia mafaufauga manaia foi le faatinoga.. o mea lava nei na amata mai ai olaga i Samoa.. nao le ata ma manatua ai foi nai matua ua fai i lagi folauga i le oke oke. Malo lava le tauata’i.. Soifua.
It was a good movie. Part 2 was awesome. You did it guys. A big fa’amalo to the director and all the actors for making such a brilliant movie. MALO LAVA
Na o sina fautuaga po o se fa’atalosaga,manaia pe a fa’apalagi fo’i lea upu i lalo o le ata,ona o nai fanau e le malamalama lelei i le tatou gagana,na o se mana’o lava e lafo atu i lumamea,ae pule lava Sitafune i le la o lona va’a…manuia tele le fa’asausauga Samoa…soifua!!!
tumeke Tautoga malo le fai o le faiva. Talosia ia vave mai le prt 3. rate 6/10